Alborada (música)
A alborada é unha peza instrumental de orixe popular interpretada, casa por casa, polos grupos de gaiteiros no albor dos días das festas dos pobos.[1]
| Alborada (música) | |
|---|---|
 Grupo de gaiteiros dando a alborada. | |
| Orixe cultural |  Galicia |
| Instrumentos típicos | Gaita Tambor |
Características editar
As alboradas son pezas instrumentais, sen acompañamento vocal, que empregan a gaita como instrumento principal. Tócanas tradicionalmente os gaiteiros, no abrente dos días das festas patronais, mentres percorren a localidade casa por casa para dar aviso do comezo das celebracións da xornada. É un xénero musical similar a outras pezas ideadas para o desfile, como as marchas e as ruadas.
No derradeiro terzo do XIX, na época do Rexurdimento da cultura galega, diversos compositores de música culta valéronse destas músicas populares como inspiración para as súas obras. Popularizáronse así moitas alboradas como a Alborada de Verín, a Alborada de Poio, a Alborada de Inzenga ou a Alborada galega[2] de Pascual Veiga unha das pezas galegas de maior simbolismo identitario.[3]
Notas editar
- ↑ Camafeita, Olga (2010). "Alborada". A música popular en Galicia (PDF). Rinoceronte Editora. ISBN 8493781657.
- ↑ Consello da Cultura Galega. "Colección de lousas". consellodacultura.gal. Consultado o 2021-09-08.
- ↑ Gago Mariño, Manuel. "Cal é a orixe dos centros galegos na emigración?". www.crtvg.es. Consultado o 2021-09-08.
Véxase tamén editar
Ligazóns externas editar
- Alboradas na folkoteca galega.
- Alborada Galega - Coro de Ruada (2015). Youtube.
- Alborada Galega, de Pascual Veiga (instr. de X. L. Represas) (Unión Musical de Meaño) - Federación Galega de Bandas de Música Populares(2019). Youtube.