Alberto Fabra
Alberto Fabra Part, nado en Castelló de la Plana o 6 de abril de 1964, é un político español do Partido Popular, actual presidente da Generalitat Valenciana. Foi proposto para o cargo polo seu partido tras a dimisión de Francisco Camps o 20 de xullo de 2011.
Biografía editar
Formación editar
Alberto Fabra estudou no colexio público Herrero e no instituto Francisco Ribalta de Castelló de la Plana. En 1987 titulouse en Arquitectura técnica pola Universidade Politécnica de Valencia.
Concelleiro en Castelló de la Plana editar
En 1982 afiliouse ás Novas Xeracións de Alianza Popular, partido liderado daquelas por Manuel Fraga, chegando a ser presidente local e provincial desta organización. Foi elixido concelleiro nas eleccións municipais de 1991.
O seu primeiro cargo no goberno municipal foi o de concelleiro de xuventude e medio ambiente. En 1993, asume a concellaría de obras e servizos públicos. Tras as eleccións municipais de 1999, é nomeado concelleiro de urbanismo.[1] Entre 1999 e 2005, foi primeiro tenente de alcalde, concelleiro de urbanismo e obras e portavoz do equipo municipal de goberno.
Alcalde de Castelló de la Plana editar
En 2005 foi elixido alcalde de Castelló de la Plana tras a dimisión de Jose Luis Gimeno, manténdose no seu cargo tras as eleccións municipais de 2007 e as de 2011, grazas á maioría absoluta conseguida polo seu partido.
Deputado nas Cortes Valencianas editar
Nas eleccións autonómicas de 2007 foi elixido deputado nas Cortes Valencianas, revalidando o cargo tamén nas de 2011.
Presidente do PPCV e da Comunidade Valenciana editar
En novembro de 2009 Alberto Fabra foi nomeado coordinador xeral do Partido Popular da Comunidade Valenciana, un cargo de nova creación que se enmarcaba no proceso de renovación das estruturas internas como consecuencia do escándalo de corrupción política coñecido como caso Gürtel. O 20 de xullo de 2011 anunciouse que sería elixido Presidente da Generalitat Valenciana tras a dimisión de Francisco Camps.[2]
Vida privada editar
Estivo casado con Cristina Fortanet Gómez e ten dous fillos.[1] En abril de 2021 casou con Silvia Jato.[3] Aínda que comparten apelido, Alberto non é familiar do expresidente da Deputación Provincial de Castelló, Carlos Fabra, segundo el mesmo negou en diversas ocasións.[4][5][6] Non obstante, segundo o Diccionario biográfico de políticos valencianos 1810-2005 (editado pola Deputación de Valencia e a UNED-Valencia) si que sería seu curmán.[7]
| Predecesor: José Luis Gimeno |
 Alcalde de Castelló de la Plana 2005-2011 |
Sucesor: Alfonso Bataller Vicent |
| Predecesor: Francisco Camps |
_Logo_(2008-2015).svg){kind=logo} Presidente do PP da Comunidade Valenciana 2011-actualidade |
Sucesor: No cargo |
| Predecesor: Francisco Camps |
 Presidente da Generalitat Valenciana 2011-actualidade |
Sucesor: No cargo |
Notas editar
- ↑ 1,0 1,1 "El primer president de Castelló". El Periódico Mediterráneo (en castelán). Arquivado dende o orixinal o 28 de xullo de 2012. Consultado o 21 de xullo de 2011.
- ↑ "Alberto, president". El Periódico Mediterráneo. Arquivado dende o orixinal o 02 de xaneiro de 2013. Consultado o 21 de xullo de 2011.
- ↑ La presentadora gallega Silvia Jato se casa por sorpresa con Alberto Fabra
- ↑ ""Para fastidiar a Fabra digo que soy su hijo"". Público. Consultado o 22 de xullo de 2011.
- ↑ "Alberto Fabra, alcalde de Castellón, será el nuevo presidente de la Generalitat y del PPCV". 20 minutos. Consultado o 22 de xullo de 2011.
- ↑ "Astucia, discreción y don de la oportunidad". Levante-EMV. Consultado o 22 de xullo de 2011.
- ↑ "Diccionario Biográfico de Políticos Valencianos" (PDF). Arquivado dende o orixinal (PDF) o 14 de febreiro de 2006. Consultado o 14 de febreiro de 2006.
Véxase tamén editar
Ligazóns externas editar
Wikimedia Commons ten máis contidos multimedia na categoría: Alberto Fabra  |