Silvia Jato
Silvia Jato Núñez, nada en Lugo o 6 de xuño de 1971, é unha presentadora de televisión e modelo. É licenciada en Ciencias Económicas e Empresariais pola Universidade San Pablo CEU de Madrid.
.jpg) (2012)  | |
| Biografía | |
|---|---|
| Nacemento | (es) Silvia Jato Núñez 6 de xuño de 1971 (53 anos)Lugo, España |
| Educación | Universidade San Pablo CEU - economía, ciencias empresariais |
| Actividade | |
| Ocupación | actriz, xornalista, presentadora de televisión, modelo |
| Período de actividade | 1990 - |
| Familia | |
| Cónxuxe | Alberto Fabra (2021–) |
| Parella | Alberto Fabra (2015–) Enrique López (2013–2014) |
| Irmáns | Manuel Jato |
   | |
Traxectoria
editarIniciou a súa carreira como modelo. Elixida Miss Galicia, participou no Certame de Miss España en 1989, onde foi elixida Miss Nacional (Primeira Dama de Honra) e Miss Fotoxenia. En 1991 foi Primeira Dama de Honra de Miss Europa, certame no que tamén obtivo os títulos de Miss Fotoxenia e Miss Simpatía.
En 1991 comezou a súa carreira profesional no mundo da televisión na TVG como presentadora do programa Sabor a ti. Un ano despois presentou nesta mesma cadea o especial fin de ano titulado Sabor 92, a Gala pro-Bosnia e a Gala Santiago de Compostela, Capital Cultural Europea do ano 2000.
Tamén presentou na TVG a Pasarela de Estrelas durante os anos 1995 e 1996. Neste mesmo ano empezou a traballar tamén para Antena 3 Televisión, onde fixo a presentación da canle Antena 3 Internacional, así como a Gala de Noitevella. Pouco despois presentou na TVG a gala de moda Pazo de Mariñán e un ano despois a segunda edición desta mesma gala.
En 1997 empezou a traballar como redactora do programa En Antena de Antena 3, espazo que conducía Inés Ballester. Posteriormente pasou a presentar Noche de Impacto (1998) xunto a Carlos García Hirschfeld, dúas tempadas de Mírame (1999-2000) e máis recentemente Pelopicopata (2004) e Los Más (2004), xunto a Arturo Valls. Todos eles en Antena 3.
De 2000 a 2005 conduciu o programa que máis éxito lle deu, Pasapalabra, tamén en Antena 3. E no 2005 presentou por segunda vez a Gala de Noitevella.
Xa no 2006 a presentadora tras finaliza-lo seu contrato con Antena 3 asinou con Telecinco, onde permanece un ano, presentando durante uns meses o programa vespertino Allá tú, substituíndo a Jesús Vázquez.
En maio de 2007 participou como monologuista no concurso El club de Flo, en LaSexta. Pouco despois era fichada por Televisión Española. O seu único traballo para a cadea pública con todo foi sustuir a Inés Ballester na presentación do magazine Por la mañana durante o verán de 2007.
Contratada pola cadea Cuatro en 2008, desde xuño dese ano presenta o concurso Fifty Fifty. Logo de ter á súa terceira filla en agosto de 2009, regresou ao traballo, acompañando a Xosé Ramón Gayoso na presentación do programa Luar en TVG.[1]
En 2010 presenta un concurso musical nas autonomicas 7RM (de Murcia), Telemadrid, Canal Sur, Aragón TV, Canal 9 e Castilla La Mancha TV, titulado Generación de estrellas.
Un ano despois, en xaneiro de 2011, comeza a conducir o concurso Trivial Pursuit, en Veo7 Televisión.
Desde o 16 de xaneiro ata o 2 de marzo de 2012, presentou o concurso Metro a Metro, en Telemadrid acompañada por David Moreno.
Entre setembro de 2013 e finais de 2014 colabora no programa de radio Es la mañana de Federico en esRadio presentando todos os luns a sección de psicoloxía do programa.
A finais de 2014 trasládase a Vigo para presentar Na nosa nube e o programa Boas Tardes, en substitución de Luís Fraga ata xuño de 2015, producido polo "Produtora Faro" e emitido en directo pola TVG.
O 27 de xuño de 2016 coñécese que Silvia Jato substituirá a Mariló Montero á fronte de La mañana de La 1 en TVE durante os meses de xullo e agosto.
Vida persoal
editarSilvia Jato estivo casada co aviador Eduardo San Román, con quen ten tres fillos: Lucas, nacido en 2003; Claudia, en 2005; e Lucía, en 2009. En abril de 2021 casou con Alberto Fabra.[2] O seu irmán, Manuel Jato, foi xogador do Club Baloncesto Breogán na Liga ACB.
Premios e nomeamentos
editar| Ano | Categoría | Programa | Resultado |
|---|---|---|---|
| 2003 | Mellor Presentadora | Pasapalabra | Nomeada |
| 2002 | Mellor Presentadora | Pasapalabra | Nomeada |
| 2001 | Mellor Presentadora | Pasapalabra | Nomeada |
| Ano | Categoría | Programa | Resultado |
|---|---|---|---|
| 2004 | Comunicadora de Programas de Entretemento | Pasapalabra | Nomeada |
| 2003 | Comunicadora de Programas de Entretemento | Pasapalabra | Nomeada |
| Ano | Categoría | Programa | Resultado |
|---|---|---|---|
| 2004 | Mellor presentador/a | Pasapalabra | Nomeada |
Notas
editarVéxase tamén
editarWikimedia Commons ten máis contidos multimedia na categoría: Silvia Jato  |