Adrián Alonso Pereira
Adrián Alonso Pereira, máis coñecido como Pola, nado en Vigo o 26 de xuño de 1988, é un xogador galego de fútbol sala que xoga de á-peche no no Noia Portus Apostoli, da Primeira división española.
| Pola | |||
|---|---|---|---|
| Información persoal | |||
| Nome | Adrián Alonso Pereira | ||
| Nacemento | 26 de xuño de 1988 | ||
| Lugar de nacemento | Vigo | ||
| Posición | Á-peche | ||
| Información de club | |||
| Club actual | Noia | ||
| Carreira xuvenil | |||
| A Salgueira | |||
| –2005 | Redondela FS | ||
| 2005–2006 | Lobelle | ||
| Carreira sénior | |||
| Anos | Equipos | Aprs | (Gls) |
| 2005–2011 | Lobelle | ||
| 2006–2007 | → FS Nazareno | 18 | (10) |
| 2011–2021 | Inter Movistar | 272 | (113) |
| 2021–2022 | Sporting de Braga | 26 | (9) |
| 2022–2023 | Sandro Abate | 12 | (8) |
| 2023 | Inter Movistar | 7 | (0) |
| 2023– | Noia | 0 | (0) |
| Selección nacional | |||
| 2011–2021 | España | 117 | (54) |
| Na rede | |||
  | |||
|
Partidos e goles só en liga doméstica. Club: actualizado a 3 de agosto de 2023. [ editar datos en Wikidata ] | |||
Pasou polo Redondela FS antes de recalar no Lobelle Santiago, participando nos mellores anos da historia do club santiagués, co que gañou unha Copa de España e unha Supercopa ata 2011. A continuación militou durante 10 anos no Inter Movistar, club ao que capitaneou e co que conquistou ata 19 títulos, entre eles seis ligas, catro Copas de España e dúas Champions League.
Ademais foi 117 veces internacional coa selección española, coa que gañou a Eurocopa de 2016.
Traxectoria editar
Comezou a xogar ao fútbol sala no seu barrio de Coia, e en idade xuvenil entrou no novo club de fútbol sala do barrio da Salgueira.[1] Con este equipo, no que coincidiu con Jonathan Pereira, proclamouse campión galego xuvenil. Posteriormente entrou na canteira do Redondela FS, co que xogou na División de Honra Xuvenil.[1]
En 2005 pasou á canteira do Lobelle Santiago, onde xogou primeiramente no equipo xuvenil e no filial. O 24 de setembro do mesmo, con 17 anos, debutou co primeiro equipo na División de Honra, da man do adestrador José Venancio nun partido contra o Móstoles, anotando o único gol do seu equipo (3-1).[2] Na tempada 2006/07 saíu cedido ao FS Nazareno de Dos Hermanas e en 2007 pasou a ser xogador do primeiro equipo do Lobelle a todos os efectos. Participou dos mellores anos da historia do club santiagués, conquistando unha Copa de España e unha Supercopa, nun equipo no que xogaban entre outros Carlos Barrón, Alemão, Aicardo ou Rafael Rato.[3]
En 2011 fichou polo Inter Movistar, co que gañou durante a seguinte década todos os títulos nacionais posibles. Conquistou seis ligas, catro Copas de España, dúas Copas do Rei e cinco Supercopa de España. Internacionalmente gañou dúas Champions League, nos anos 2017 e 2018, despois de derrotar na final nos dous casos ao Sporting de Portugal.[4] No club de Alcalá de Henares actuou xunto a xogadores como Ricardinho, Betão ou Jesús Herrero e na parte final do seu paso polo equipo madrileño exerceu como capitán.[5]
No verán de 2021 deixou a liga española e fichou polo Sporting de Braga, da Primeira División de Portugal.[6]
Palmarés editar
Santiago Futsal editar
- Copa de España (1): 2006.
- Supercopa de España (1): 2010.
- Copa Galicia (2): 2009, 2010.
Inter Movistar editar
- Primeira división (6): 2014, 2015, 2016, 2017, 2018, 2019.
- Copa do Rei (2): 2015, 2021.
- Copa de España (5): 2005, 2014, 2016, 2017, 2021
- Supercopa de España (3): 2015, 2017, 2018, 2021
- Champions League (2): 2017, 2018
Notas editar
- ↑ 1,0 1,1 "El niño que odiaba perder" (en castelán). 8 de febreiro de 2018. Consultado o 24 de setembro de 2021.
- ↑ "Miñambres acabó con la resistencia de un Lobelle combativo". La Voz de Galicia (en castelán). 25 de setembro de 2005. p. 42.
- ↑ "Se despide la raza celta" (en castelán). 14 de abril de 2021. Consultado o 24 de setembro de 2021.
- ↑ "Pola, el adiós de un guerrero que deja 19 títulos en el Movistar Inter". Marca (en castelán). 23 de xuño de 2021. Consultado o 24 de setembro de 2021.
- ↑ "Pola y Borja lucirán el brazalete de capitán de Movistar Inter FS en esta temporada 20/21" (en castelán). 7 de agosto de 2020. Consultado o 25 de setembro de 2021.
- ↑ "Pola jugará la próxima temporada en el Braga". Atlántico Diario (en castelán). 15 de xullo de 2021. Consultado o 25 de setembro de 2021.
Véxase tamén editar
Ligazóns externas editar
- Datos do xogador na LNFS (en castelán).