Adolfina Casás Rama
Adolfina Casás Rama, nada en Cerceda en 1912 e finada na Coruña o 2 de febreiro de 2009, foi unha cantareira galega.[1]
| Biografía | |
|---|---|
| Nacemento | 1912  Cerceda, España |
| Morte | 2 de febreiro de 2009 (96/97 anos) A Coruña, España |
| Actividade | |
| Ocupación | cantante |
| Xénero artístico | Cantiga |
| Familia | |
| Parentes | Rosa Casás Rama, sobriña |
Traxectoria
editarEra filla de solteira. Traballou en labores agrarios, durante os cales cantaba. Xunto coa súa sobriña Rosa Casás Rama, destacou polo seu enxeño e polos moitos estilos empregados. Dorothé Schubart e Antón Santamarina recolleron moitas das cantigas que elas cantaban no Cancioneiro Popular Galego. Schubart valorou "a súa variedade de melodías, a orixinalidade das coplas e a capacidade de improvisación".[1]
Foi proposta, canda a súa sobriña e Florencio López Fernández, como figura homenaxeada para as Letras Galegas do ano 2024.[1] Finalmente, foi escollida, xunto con súa sobriña Rosa, Eva Castiñeira, Prudencia Garrido, Asunción Garrido e Manuela Lema, como parte da candidatura das cantareiras para ser homenaxeada en 2025.[2]
Notas
editar- ↑ 1,0 1,1 1,2 "Luísa Villalta e o cancioneiro popular, favoritos para a homenaxe do Día das Letras 2024". La Voz de Galicia (en castelán). 2023-06-29. Consultado o 2024-06-06.
- ↑ As cantareiras e a poesía popular oral protagonizarán o Día das Letras Galegas 2025