30 Seconds to Mars

30 Seconds to Mars é unha banda estadounidense de rock alternativo procedente de Los Angeles, formada no ano 1998 e liderada polo actor Jared Leto. Completan a formación o irmán de Jared Shannon Leto e Tomo Miličević.

30 Seconds to Mars
Orixe	Los Angeles, California, Estados Unidos
Período	1998 - presente
Xénero(s)	hard rock, metal alternativo, metal progresivo
Selo(s) discográfico(s)	EMI, Virgin, Immortal
Membros	Jared Leto Tomo Miličević Shannon Leto
Antigos membros	Matt Wachter Solon Bixler Kevin Drake
Na rede
30secondstomars.com

Historia

Creada en 1998 por Jared Leto e o seu irmán Shannon, 30 Seconds to Mars comezou a súa andaina como un pequeno proxecto familiar. As cousas comezaron a andar rápido e Matt Wachter uniuse á banda como baixista e teclista. Despois de que pasasen dous guitarristas pola banda, os tres fixéronlle unha audición a Tomo Miličević para completar a formación.

O nome da banda está sacada dunha tese escrita por un antigo mestre de Harvard. Un dos capítulos tiña o título thirty seconds to mars ("trinta segundos a marte") e fala sobre o rápido desenvolvemento da tecnoloxía que pon á humanidade a trinta segundos de marte.

Malia que Leto é un famosos actor de Hollywood, orixinalmente prefería non usar esa información para promocionar á banda, e de feito a banda adoitaba rexeitar tocar en locais onde usasen esa fama para promocionaren os concertos.

O primeiro álbum de 30 Seconds to Mars, co mesmo nome que a banda, foi editado no ano 2002. O seu segundo traballo, A Beautiful Lie, editouse o 30 de agosto do 2005.

O 31 de agosto do 2006 a banda gañou o premio MTV2 Award por "The Kill" nos MTV Video Music Awards, un dos seus dous nomeamentos. O outro nomeamento foi para o mellor vídeo de rock, premio que acabaría sendo para "Miss Murder" de AFI.

En outubro a banda comezou a súa xira Welcome to the Universe, patrocinada pola MTV2. Na mesma foron acompañados polas bandas Head Automatica, The Receiving End of Sirens, Cobra Starship e Rock Kills Kid entre outras. O 20 de novembro a MTV2 estreou o vídeo de "From Yesterday"; sendo o primeiro vídeo de rock estadounidense gravado enteiramente na República Popular da China.

O 29 de abril do 2007 a banda actuou nos MTV Australia Video Music Awards, onde fora nomeada para tres premios, gañando finalmente os galardóns ao "Mellor vídeo de rock" e "Vídeo do ano" por "The Kill".

Discografía

Álbums

Álbum	Ano	Selo
30 Seconds to Mars	2002	Immortal, Virgin
A Beautiful Lie	2005	Immortal, Virgin
This Is War	2009	Virgin, EMI
Love, Lust, Faith and Dreams	2013	Virgin, Universal
America	2018	Interscope Records

Sinxelos

• "Capricorn (A Brand New Name)" - 2002.
• "Edge of the Earth" - 2003.
• "Attack" - 2005.
• "The Kill" - 2006.
• "From Yesterday" - 2006.
• "A Beautiful Lie" - 2007.
• "Kings and Queens" - 2009.
• "This Is War" - 2010.
• "Closer to the Edge" - 2010.
• "Hurricane" - 2010.
• "Up in the Air" - 2013.
• "Do or Die" - 2013.
• "City of Angels" - 2013.

Véxase tamén

Ligazóns externas

• Páxina oficial da banda