Tomo Miličević
Tomislav Miličević, nado en Saraxevo o 3 de setembro de 1979, é un músico de Bosnia e Hercegovina. É guitarrista e teclista ocasional da banda 30 Seconds to Mars. É o irmán máis novo da modelo e actriz Ivana Miličević.
  | |
| Biografía | |
|---|---|
| Nacemento | 3 de setembro de 1979 (44 anos) Saraxevo |
| Datos persoais | |
| Residencia | Detroit |
| País de nacionalidade | Estados Unidos de América |
| Educación | Athens High School (en)  Oakland Community College (en) |
| Actividade | |
| Ocupación | baixista , compositor de cancións , guitarrista , músico , produtor musical |
| Período de actividade | 2000 - |
| Membro de | |
| Xénero artístico | Rock alternativo |
| Instrumento | Guitarra e violín |
| Selo discográfico | Immortal Records |
| Familia | |
| Irmáns | Ivana Miličević (pt) |
      | |
Traxectoria editar
Naceu nunha familia de orixe croata, pero pasou a maior parte da súa vida nos Estados Unidos, xa que os seus pais, Tonka e Damir Miličević, emigraron a Detroit, Míchigan, na procura dunha vida mellor. Ademais da súa irmá Ivana, tamén ten un irmán máis novo chamado Filip.
Tomo comezou a tocar o violín á idade de 3 anos. O seu tío, Bill Miličević, é violinista profesional e mestre na escola de música de Míchigan. Na adolescencia descubriu o rock, sendo o Nevermind de Nirvana o primeiro disco que mercou cos seus cartos, e máis tarde a súa irmá Ivana levouno a ver Nirvana en directo, o que sería o seu primeiro concerto de rock.
Coa axuda do seu pai fabricou unha guitarra, que anos máis adiante usaría para gravar o tema "A Modern Myth" do segundo álbum de 30 Seconds to Mars, A Beautiful Lie. Dende o 2000 ao 2002 tocou nunha pequena banda de Míchigan chamada Morphic, e unha vez disolto o grupo decatouse grazas a Shannon Leto, a quen coñecía dende anos antes, de que 30 Seconds to Mars buscaba guitarrista trala saída de Solon Bixler. Realizou unha audición e consguíu entrar a formar parte do grupo no ano 2003.