Álvaro Ramón
Álvaro Ramón Álvarez, nado en Ponferrada o 6 de abril de 2000, é un futbolista español, que xoga como lateral esquerdo na Ponferradina, da Primeira División RFEF.
| Álvaro Ramón | |||
|---|---|---|---|
| Información persoal | |||
| Nome | Álvaro Ramón Álvarez | ||
| Nacemento | 6 de abril de 2000 | ||
| Lugar de nacemento | Ponferrada | ||
| Altura | 1,71 m. | ||
| Posición | Lateral esquerdo | ||
| Información de club | |||
| Club actual | Ponferradina | ||
| Carreira xuvenil | |||
| –2013 | Cuatrovientos | ||
| 2013–2017 | Ponferradina | ||
| 2017–2019 | Celta de Vigo | ||
| Carreira sénior | |||
| Anos | Equipos | Aprs | (Gls) |
| 2019–2021 | Celta B | 2 | (0) |
| 2020–2021 | → Navalcarnero | 15 | (1) |
| 2021–2023 | Mérida | 64 | (5) |
| 2023–2024 | Arenteiro | 35 | (2) |
| 2024– | Ponferradina | 0 | (0) |
|
Partidos e goles só en liga doméstica. Club: actualizado a 4 de xullo de 2024. [ editar datos en Wikidata ] | |||
Traxectoria
editarComezou a xogar ao fútbol no Cuatrovientos de Ponferrada, no que militou ata o segundo ano de infantil, cando ingresou na canteira da Ponferradina.[1] En 2017 pasou ao equipo xuvenil do Celta de Vigo, da División de Honra, no que xogou durante dous anos.[1] Na tempada 2019/20 debutou co equipo filial na Segunda División B, con escaso protagonismo, xogando só dous partidos.
Para a tempada 2020/21 saíu cedido ao Navalcarnero,[2] onde xogou durante un ano, antes de fichar polo Mérida. No equipo estremeño fíxose coa titularidade e participou do ascenso do equipo á Primeira División RFEF, na que debutou na seguinte tempada, sendo un dos fixos nas aliñacións titulares.
No verán de 2023 deixou Mérida e fichou polo Arenteiro, que viña de ascender á mesma categoría.[3] Titular indiscutible no equipo galego, disputou un total de 36 encontros, saíndo dende o inicio en todos agás dous, e anotou dous goles. En xuño de 2024 regresou á súa cidade e á Ponferradina, club en cuxa canteira se formara.[4]
Notas
editar- ↑ 1,0 1,1 "El berciano, Álvaro Ramón ficha por el Celta" (en castelán). 30 de xullo de 2017. Consultado o 19 de decembro de 2023.
- ↑ "Álvaro Ramón jugará cedido en el Navalcarnero". La Voz de Galicia (en castelán). 7 de setembro de 2020. Consultado o 19 de decembro de 2023.
- ↑ "El Arenteiro incorpora a dos laterales, Álvaro Ramón y Lucas Sena, y al delantero Charly en el último día del mercado". La Voz de Galicia (en castelán). 2 de setembro de 2023. Consultado o 19 de decembro de 2023.
- ↑ "La Deportiva cierra las bandas" (en castelán). 4 de xullo de 2024. Consultado o 4 de xullo de 2024.
Véxase tamén
editarLigazóns externas
editar- Datos do xogador en LaPreferente.com (en castelán).