Programa ConCiencia
O programa ConCiencia é unha actividade de divulgación científica nacida en 2006 por iniciativa da Universidade de Santiago de Compostela e o Consorcio de Santiago.[1]
O encargado da súa coordinación é o doutor en física Jorge Mira, catedrático de Electromagnetismo na Facultade de Física da Universidade de Santiago de Compostela, e coñecido divulgador científico na prensa, radio e televisión, que foi o promotor do programa no ano 2005.[2]
Obxectivos editar
Entre os obxectivos desta iniciativa, cabe destacar:[1]
- A divulgación científica a cargo de senlleiros científicos visitantes convidados, Premios Nobel ou os seus análogos en matemáticas (Medalla Fields, Premio Abel) e ciencias da computación (Premio Turing).
- Proxectar a imaxe da cidade de Santiago de Compostela como foco universal do pensamento.
- Servir de ponte para o reforzamento de contactos científicos entre líderes da máxima relevancia científica mundial e o corpo de investigadores da USC.
Estas bases diferencian o programa ConCiencia de calquera outra iniciativa de divulgación científica, posto que buscan, á marxe da clásica conferencia ou acto puntual, a rendibilización da visita destes Premios favorecendo o seu contacto con especialistas locais.
Premio Fonseca editar
Desde o ano 2008 o programa ConCiencia organiza no seu seo o Premio Fonseca de comunicación da ciencia, que na súa primeira edición recaeu no físico británico Stephen Hawking. Na súa segunda convocatoria (2009), o galardón recaeu no pai da Hipótese Gaia, James Lovelock; na terceira (2010) no naturalista e divulgador Sir David Attenborough, e en 2011 no físico-matemático Roger Penrose.[1]
Personalidades visitantes editar
- Heinrich Rohrer (Premio Nobel de Física 1986)[3]
- Torsten N. Wiesel (Premio Nobel de Fisioloxía ou Medicina 1981)[3]
- Richard R. Ernst (Premio Nobel de Química 1991)[3]
- Michael Atiyah (Medalla Fields 1966, Premio Abel 2004)[3]
- Frank Wilczek (Premio Nobel de Física 2004)
- John E. Walker (Premio Nobel de Química 1997)
- Peter Lax (Premio Abel 2005)
- John F. Nash (Premio Nobel de Economía 1994)
- Harold E. Varmus (Premio Nobel de Fisioloxía ou Medicina 1989)
- Frances E. Allen (Premio Turing 2006)
- Gerardus 't Hooft (Premio Nobel de Física 1999)
- K. Barry Sharpless (Premio Nobel de Química 2001)
- Jean-Marie Lehn (Premio Nobel de Química 1987)
- James Watson Cronin (Premio Nobel de Física 1980)
- Roger David Kornberg (Premio Nobel de Química 2006)
- Albert Fert (Premio Nobel de Física 2007)
- Harold Walter Kroto (Premio Nobel de Química 1996)
- Richard J. Roberts (Premio Nobel de Fisioloxía ou Medicina 1993)
- Ada E. Yonath (Premio Nobel de Química 2009)
- Mohamed ElBaradei (Premio Nobel da Paz 2005)
- Samuel Chao Chung Ting (Premio Nobel de Física 1976)
- Richard R. Schrock (Premio Nobel de Química 2005)
- Sheldon Lee Glashow (Premio Nobel de Física 1979)[4]
- Ei-ichi Negishi (Premio Nobel de Química 2010)
- Tim Hunt (Premio Nobel de Fisioloxía ou Medicina 2001)
- Anthony J. Leggett (Premio Nobel de Física 2003)
- Eric A. Cornell (Premio Nobel de Física 2001)
- Harald zur Hausen (Premio Nobel de Fisioloxía ou Medicina 2008)
- Claude Cohen-Tannoudji (Premio Nobel de Física 1997)
- Cédric Villani (Medalla Fields 2010)
- Serge Haroche (Premio Nobel de Física 2012)
- Stanley B. Prusiner (Premio Nobel de Fisioloxía ou Medicina 1997)
- Finn E. Kydland (Premio Nobel de Economía 2004)
- May-Britt Moser (Premio Nobel de Fisioloxía ou Medicina 2014)
- Jean-Pierre Sauvage (Premio Nobel de Química 2016)
- Bernard L. Feringa (Premio Nobel de Química 2016)
- Tomas Robert Lindahl (Premio Nobel de Química 2015)
- David MacMillan (Premio Nobel de Química 2021)
- Stanley Whittingham (Premio Nobel de Química 2019)
- David Chipperfield (Premio Pritzker 2023)
Recoñecementos editar
O programa ConCiencia foi recoñecido coa Mención de Honor do Premio "Ciencia en Acción" en 2010, co XL Premio da Crítica Galicia - modalidade de iniciativas culturais e científicas en 2017[5] e co Premio da Cultura Galega, modalidade Proxección Exterior en 2022.[6] Segundo a organización: "É unha plataforma de lanzamento da imaxe de Galicia cara ao exterior en base ao seu talento".[7]
Notas editar
- ↑ 1,0 1,1 1,2 USD. Programa ConCiencia
- ↑ Jorge Mira Pérez en Galegos. GaliciaDigital.
- ↑ 3,0 3,1 3,2 3,3 Web da edición 2006
- ↑ La visita de Sheldon Lee Glashow a la Universidad de Santiago de Compostela en el Programa ConCiencia en Francis (th)E mule Science's News.
- ↑ "Web Premios da Crítica Galicia". Arquivado dende o orixinal o 31 de agosto de 2018. Consultado o 12 de maio de 2018.
- ↑ Galicia, Xunta de (2022-10-04). "Os premios da Cultura Galega 2022 recaen en Marica Campo, María Victoria Carballo-Calero, Melania Cruz, Música en Compostela, Xosé Manuel Gayoso, Manuel González, Xacarandaina e o programa ConCiencia". Xunta de Galicia. Arquivado dende o orixinal o 04 de outubro de 2022. Consultado o 2022-10-04.
- ↑ Diario, Nós (2022-10-04). "Os Premios da Cultura Galega recoñecen, entre outros, a Marica Campo, Gayoso e Melania Cruz". Nós Diario. Consultado o 2022-10-05.