Yohana Gómez
Yohana Gómez Camino, nada en San Pablo de los Montes, Toledo, o 20 de xaneiro de 1994, é unha futbolista española. Xoga como porteira no Deportivo da Coruña da Segunda División.
| Yohana | |||
|---|---|---|---|
| Información persoal | |||
| Nome | Yohana Gómez Camino | ||
| Nacemento | 20 de xaneiro de 1994 | ||
| Lugar de nacemento | San Pablo de los Montes | ||
| Altura | 1,68 m. | ||
| Posición | Porteira | ||
| Información de club | |||
| Club actual | Deportivo da Coruña | ||
| Carreira xuvenil | |||
| 2008–2012 | CDE Gálvez | ||
| Carreira sénior | |||
| Anos | Equipos | Aprs | (Gls) |
| 2012–2013 | Guadamur | ||
| 2013–2014 | Almagro FSF (fútbol sala) | ||
| 2014–2017 | Guadamur | ||
| 2017–2020 | TACON | 13+ | |
| 2020–2021 | Real Madrid | 4 | (0) |
| 2021–2022 | Rayo Vallecano | 4 | (0) |
| 2022– | Deportivo da Coruña | 0 | (0) |
|
Partidos e goles só en liga doméstica. Club: actualizado a 15 de xullo de 2022. [ editar datos en Wikidata ] | |||
Traxectoria editar
Nada na localidade toledana de San Pablo de los Montes, comezou a súa carreira como futbolista no concello próximo de Gálvez, militando nas filas do CDE Gálvez.[1] Tras catro anos neste club, fichou en 2012 polo Guadamur. En 2013 pasou ao fútbol sala e xogou durante unha tempada no Almagro FSF. A continuación regresou ao Guadamur, no que militou durante as seguintes tres tempadas.[1]
En 2017 fichou polo CD TACON de Madrid, da Segunda División, club co que logrou o ascenso á Primeira División na campaña 2018/19.[2] En 2020 o club foi absorbido polo Real Madrid, que creou así a súa sección feminina.[3] O seu debut produciuse o 6 de xaneiro na Cidade Deportiva de Valdebebas ante o Madrid Club de Fútbol, tras substituír a súa compañeira Misa Rodríguez nos minutos finais do partido.[4] Con todo, apenas dispuxo de minutos durante a tempada, sendo case sempre suplente de Misa.
Deixou o club ao final da tempada e incorporouse ao Rayo Vallecano.[5] No equipo de Vallecas tampouco conseguiu facerse co posto de titular, tendo como competencia pola portería a Patricia Larqué. Disputou só cinco partidos durante a tempada, catro deles na liga e un na Copa da Raíña.
En xullo de 2022 anunciouse a súa fichaxe polo Deportivo da Coruña da Segunda División.[1]
Notas editar
- ↑ 1,0 1,1 1,2 "Yohana Gómez, nova xogadora do Dépor ABANCA 22-23". Deportivo da Coruña. 12 de xullo de 2022. Consultado o 15 de xullo de 2022.
- ↑ "2-0. El CD Tacón logra el ascenso a Primera". Telemadrid (en castelán). 19 de maio de 2019. Consultado o 15 de xullo de 2022.
- ↑ "Las jugadoras del Real Madrid Femenino se vuelcan con La Liga: "Seguiremos vuestros pasos"" (en castelán). 17 de xullo de 2020. Consultado o 15 de xullo de 2022.
- ↑ Página oficial de LaLiga (ed.). "Reporte Real Madrid-Madrid CFF (6 de enero)". Consultado o 7 de enero de 2021.
- ↑ Unión Rayo (ed.). "El Rayo Femenino ficha a Yohana Gómez". Consultado o 17 de agosto de 2021.
Véxase tamén editar
Ligazóns externas editar
- Datos da xogadora en Soccerway (en castelán).