Xurenzás, Boborás
San Pedro de Xurenzás é unha parroquia do concello de Boborás na comarca do Carballiño, na provincia de Ourense. No ano 2007 tiña 110 habitantes (55 homes e 55 mulleres), tres máis ca en 2006. Ten sete núcleos de poboación.
| Xurenzás | |
|---|---|
 Martirio de San Sebastián, na igrexa de San Pedro de Xurenzás | |
| Concello | Boborás[1] |
| Provincia | Ourense |
| Coordenadas | 42°27′52″N 8°08′33″O / 42.4645, -8.1424 |
| Poboación | 102 hab. (2017) |
| Entidades de poboación | 7[1] |
| [ editar datos en Wikidata ] | |
Patrimonio
editarNa igrexa de San Pedro consérvanse dous baldaquinos en pé, a ámbolos lados da nave central. Na parede protexida por estes descubríronse pinturas góticas representando a San Sebastián e a Virxe.[2]
Xurenzás na cultura popular galega
editarUnha lenda busca explicar a orixe do nome de Xurenzás. Conta que un mouro chamado Zas, que vivía nesta parroquia, se enamorou da filla doutro mouro, que tamén vivía aquí, pero este non llela quixo dar e, para evitar que aquel a tomase, decidiu encantala. Entón, Zas declaroulle a guerra e venceuno, facéndoo prisioneiro. Cando o vencido quixo restaurar a paz, Zas esixiulle un xuramento de obediencia e sometemento ó seu nome. E o vello tivo que aceptar, dicindo: "Xuro en Zas que estou vencido". Así quedoulle ó lugar o nome de Xurenzás.[3]
Vítor Vaqueiro dá unha segunda versión, na que foi Zas, despois de teimar ante o pai da moza e mesmo intentar comprarlle a filla, quen a encantou, ante o que o pai declaroulle a guerra, aínda que a perdeu. Zas, vencedor, obrigoulle a proferir o xuramento.[4]
Lugares e parroquias
editarLugares de Xurenzás
editar| Lugares da parroquia de Xurenzás no concello ourensán de Boborás | |
|---|---|
|
Ensalde | O Igrexario | A Ponte Nova | O Prado | Valboa | Ventosa | Xurenzás |
Parroquias de Boborás
editarNotas
editar- ↑ 1,0 1,1 Decreto 332/1996, do 26 de xullo, polo que se aproba o nomenclátor correspondente ás entidades de poboación da Provincia de Orense.
- ↑ "Igrexa de San Pedro de Xurenzás". Turismo de Galicia.
- ↑ Risco 1962, p. 320.
- ↑ Vaqueiro 2011, p. 521.
Véxase tamén
editarBibliografía
editar- Risco, Vicente (1979 [1962]). "Cultura espritual". En Otero Pedrayo, Ramón. Historia de Galiza I. Akal. pp. 255–777.
- Vaqueiro, Vítor (2011). Mitoloxía de Galiza. Lendas, tradicións, maxias, santos e milagres. Vigo: Galaxia.