José Manuel Pita Andrade
José Manuel Pita Andrade, nado na Coruña o 1 de novembro de 1922 e finado en Granada o 7 de setembro de 2009,[1] foi un historiador da arte galego, caracterizado polo seu labor dentro da museografía. Así mesmo, foi o primeiro director do Museo do Prado nomeado na Transición española, de 1978 a 1981.
| Biografía | |
|---|---|
| Nacemento | 1 de novembro de 1922  A Coruña, España |
| Morte | 7 de setembro de 2009 (86 anos) Granada, España |
| Catedrático | |
| Catedrático de universidade | |
| | |
| Datos persoais | |
| País de nacionalidade | España |
| Educación | Universidade de Madrid |
| Actividade | |
| Lugar de traballo | Madrid (1950–1990) |
| Ocupación | escritor , historiador , historiador da arte |
| Empregador | Universidade Complutense de Madrid |
| Membro de | |
| Lingua | Lingua castelá |
 | |
Biografía editar
Estudou Filosofía e Letras na Universidade de Madrid doutorándose en Historia da Arte en 1947. Cursou estudos de posgraduado na Universidade de Nova York.
Foi catedrático nas universidades de Oviedo (1960), Granada (1961-1978) e Complutense de Madrid (1978-1987) na que se xubilou.
Amais do seu labor no Museo do Prado, durante uns anos foi conservador das coleccións de arte da Casa de Alba e do acabado de fundar Museo Thyssen-Bornemisza, cuxo catálogo xeral supervisou.
Foi membro de número da Real Academia de Bellas Artes de San Fernando, desde 1984 (na que ingresou co discurso Dominico Greco y sus obras a lo largo de los siglos XVII y XVIII), e da Real Academia de la Historia, desde 1989 (na que ingresou co discurso Goya y sus primeras visiones de la historia), membro correspondente e académico de honra da Real Academia Galega de Belas Artes Nosa Señora do Rosario e académico de honra da Real Academia de Bellas Artes de Nuestra Señora de las Angustias de Granada.
Foi membro da Hispanic Society of America e recibiu a Medalla de Ouro ao Mérito nas Belas Artes en 1989.
Obras editar
- Dominico Greco y sus obras a lo largo de los siglos XVII y XVIII, Madrid, discurso de ingreso na Real Academia de Bellas Artes de San Fernando, 1984.
- El Greco, Milán, Mondadori, 1986. Coa colaboración de José Álvarez Lopera.
- Goya. Vida, obra y sueños, Madrid, Sílex, 1989.
- Goya y sus primeras visiones de la historia, Madrid, discurso de ingreso na Real Academia de la Historia, 1989.
- La construcción de la catedral de Orense, Santiago de Compostela, Instituto Padre Sarmiento de Estudios Gallegos, CSIC, e Madrid, Facultad de Filosofía y Letras, Universidad Complutense, 1954.
- Luces y sombras en la pintura granadina del siglo de oro, Granada, discurso de recepción como académico honorario na Real Academia de Bellas Artes de Nuestra Señora de las Angustias, 2000.
Notas editar
- ↑ Francisco Calvo Serraller (8-9-2009). El País, ed. "Muere José Manuel Pita Andrade" (en castelán).
Véxase tamén editar
Bibliografía editar
- Artigo «PITA ANDRADE, José Manuel» da Gran Enciclopedia Galega.
Outros artigos editar
Ligazóns externas editar
- Voz «Pita Andrade, José Manuel» na Enciclopedia del Museo del Prado.
| Predecesor: Xavier de Salas Bosch |
Director do Museo do Prado 1978 – 1981 |
Sucesor: Federico Sopeña Ibáñez |