Antón Palacio
Xosé Antonio Palacio Sánchez, nado en Ferreira de Pantón, é un filólogo e tradutor galego, catedrático de Filoloxía Galega da Universidade de Vigo até a súa xubilación en 2017. Foi un dos fundadores da Facultade de Filoloxía e Tradución desa universidade[1].
| Antón Palacio | |
|---|---|
| Nacemento | anos 1940 |
| Lugar de nacemento | Ferreira de Pantón |
| Nacionalidade | España |
| Ocupación | filólogo e tradutor |
| Na rede | |
  | |
| [ editar datos en Wikidata ] | |
TraxectoriaEditar
Estudou Maxisterio en Ourense, rematando en 1968, e despois licenciouse en 1974 en Filosofía e Letras pola Universidade de Santiago de Compostela. Doutorouse en 1981 coa tese Toponimia del ayuntamiento de Pantón (Lugo), dirixida por Constantino García. Exerceu a docencia durante máis de catro décadas, primeiro como mestre de escola e despois como profesor universitario en Ourense, Pontevedra e, por último, no campus de Vigo.
Destacou como experto en onomástica[2] e fundou a Asociación Galega de Onomástica, creada en Santiago de Compostela en 1999[3]. É membro correspondente da Real Academia Galega desde 2012[4].
Tamén cultivou a tradución literaria, e participou en proxectos colectivos como a tradución ao galego de Don Quixote da Mancha[5].
NotasEditar
- ↑ "A Universidade homenaxea a Antón Palacio, “un filólogo de vocación e estilo”". Universidade de Vigo. 22 de novembro de 2019.
- ↑ "Un libro homenaxea a traxectoria do profesor Antón Palacio". Atlántico diario. 24 de novembro de 2019.
- ↑ Quen Somos na páxina web da Asociación.
- ↑ "Membros correspondentes". Real Academia Galega.
- ↑ "O primeiro Quixote en galego". Real Academia Galega. 21 de abril de 2016.