XIX dinastía exipcia

A XIX Dinastía de Exipto (XIX Dinastía), está clasificada como a segunda Dinastía do Reino Novo do Antigo Exipto, que durou dende 1292 a.C. ata o 1189 a.C. A XIX Dinastía e a XX Dinastía ademais forman unha época coñecida como o "período Ramesside". Esta dinastía fundouna o Visir de Ramsés I, a quen o faraón Horemheb elixiu como o seu sucesor ao trono.

Exipto
Décimo novena Dinastía de Exipto
[[XVIII Dinastía|]]
1292 a.C.–1189 a.C. [[XX Dinastía|]]
Exipto e o Imperio hitita ao redor da época da batalla de Kadesh (1274 a.C.)
Capital Tebas, despois Menfis e Pi-Ramsés
Lingua Lingua exipcia
Relixión Relixión do Antigo Exipto
Goberno Monarquía absoluta
Historia
 • Establecido 1292 a.C.

HistoriaEditar

AntecedentesEditar

Os faraóns guerreiros da XVIII Dinastía só atoparon pouca resistencia nos reinos veciños, o que lles permitiu expandir o seu reino de influencia con facilidade, pero a situación internacional mudara radicalmente cara ao final da dinastía. Os hititas ampliaran gradualmente a súa influencia en Siria e Canaan para converterse nunha potencia importante na política internacional, unha potencia a que tanto Seti I como o seu fillo Ramsés II enfrontaríanse no futuro.

XIX DinastíaEditar

Seti e Ramsés IIEditar

O Novo Reino de Exipto alcanzou o cenit do seu poder baixo Seti I e Ramsés II ("O Grande"), que fixo unha forte campaña contra os [libios] e os hititas. A cidade de Kadesh capturóuse por primeira vez por Seti I, que decidiu cedela a Muwatalli de Hatti nun tratado informal de paz entre Exipto e Hatti. Ramsés II intentou sen éxito alterar esta situación no seu quinto ano de reinado lanzando un ataque a Kadesh na súa Segunda campaña siria no 1274 a.C., quedou atrapado na primeira emboscada militar rexistrada da historia, pero grazas á chegada dos Ne'arin (unha forza aliada con Exipto), Ramsés puido reunir as súas tropas e cambiar o rumbo da batalla contra os hititas. Ramsés II aproveitou as dificultades internas dos hititas, durante os seus oitavo e noveno anos de reinado, cando fixo campaña contra as súas posesións sirias, capturando Kadesh e porcións do sur de Siria e avanzou cara ao norte ata Tunip, onde ningún soldado exipcio fora visto durante 120 anos. Finalmente, decatouse de que a campaña contra os hititas era unha sangría insoportable no tesouro e o exército de Exipto. [1] No seu 21º ano de reinado, Ramsés asinou o primeiro tratado de paz rexistrado co sucesor de Urhi-Teshub, Hattusili III, e con ese acto as relacións Exipcio-Hittitas melloraron significativamente. Ramsés II casou incluso con dúas princesas hititas, a primeira despois do seu segundo Festival Sed.

MerneptahEditar

Esta dinastía declinou a medida que aumentaban as loitas internas polo trono entre os herdeiros de Merneptah. Amenmesse aparentemente usurpou o trono do fillo e sucesor de Merneptah, Seti II, pero gobernou Exipto durante só catro anos. Despois da súa morte, Seti recuperou o poder e destruíu a maioría dos monumentos de Amenmesse. Seti foi servido na corte polo Chanceler Bay, que era orixinalmente só un "escriba real", pero axiña se converteu nun dos homes máis poderosos de Exipto, gañando o privilexio sen precedentes de construír a súa propia tumba no Val dos Reis (KV17). Tanto Bay como a esposa principal de Seti, Twosret, tiñan unha sinistra reputación no folclore exipcio antigo.[2] Despois da morte de Seti, Twosret gobernou Exipto outros dous anos máis, pero ela non foi quen de manter o control do poder en medio das conspiracións e os xogos de poder que xurdiron na corte real. Probablemente foi expulsada nunha sublevación liderada por Setnakhte, fundador da XX Dinastía.

Faraóns da XIX dinastíaEditar

Artigo principal: Lista de faraóns.

Os faraóns da XIX dinastía gobernaron aproximadamente 110 anos: desde c. 1292 a 1187 a.C. Moitos dos faraóns foron enterrados no Val dos Reis en Tebas (designado KV). Pódese atopar máis información no sitio web do proxecto Theban Mapping Project. [3]

Faraóns Imaxe Nome / Prenomen Reinado Tumba Consorte(s)
Ramsés I   Menpehtyre 1292–1290 a.C. KV16 Sitre
Seti I   Menmaatre 1290–1279 a.C.[4] KV17 (Mut-)Tuya
Ramsés II   Usermaatre Setepenre 1279–1213 a.C. KV7 Nefertari
Isetnofret
Maathorneferure
Meritamen
Bintanath
Nebettawy
Henutmire
Merneptah   Baenre Merynetjeru 1213–1203 a.C. KV8 Isetnofret II
Takhat?
Seti II   Userkheperure Setepenre 1203–1197 a.C. KV15 Takhat?
Twosret
Tiaa
Amenmesse   Menmire Setepenre 1201–1198 a.C. KV10 Descoñecida
Siptah   Sekhaienre Meryamun, logo Akhenre Setepenre 1197–1191 a.C. KV47 Descoñécida
Twosret   Sitre Meryamun 1191–1189 a.C. KV14 Non

Cronograma da XIX dinastíaEditar

TwosretSiptahSeti IIAmenmesseMerneptahRamsés IISeti IRamsés I

Galería de imaxesEditar

NotasEditar

  1. N. Grimal, A History of Ancient Egypt (Oxford: Blackwell, 1992), pp. 256f.
  2. Grimal, p. 270
  3. Thebanmappingproject.com (ed.). "Sitios no Val dos Reis". Arquivado dende [https: //www.thebanmappingproject.com/sites/ o orixinal] |url= incorrecto (Axuda) o 30-08-2012. Consultado o 22-09-2012. 
  4. J. von Beckerath (1997) (en alemán). Chronologie des Äegyptischen Pharaonischen. Phillip von Zabern. p. 190

Véxase taménEditar

Ligazóns externasEditar

Dinastía precedente Dinastía Dinastía seguinte
Décimo oitava Dinastía Décimo novena Dinastía
c. 1292 - 1189 a.C.
Vixésima Dinastía