Wikipedia:Artigo destacado/agosto 2009

Gondor é un reino ficticio do legendarium de J. R. R. Tolkien, situado na Terra Media. Era un reino dos Dúnedain fundado por Isildur e Anárion, os fillos de Elendil, após a caída de Númenor. O seu reino xemelgo era Arnor, fundado no norte polo propio Elendil. Gondor estaba situado ao oeste de Mordor, na Baía de Belfalas. O seu nome quere dicir "Terra de Pedra", do Sindarin gond (pedra) + (n)dor (terra), probabelmente acuñado a causa das Ered Nimrais e outras cadeas montañosas da rexión. Un hipotético equivalente do nome en Quenya era Ondonórë. Gondor e Arnor eran coñecidos como os Reinos dos Dúnedain no Exilio.