Abrir o menú principal

Voo 703 de Saratov Airlines

O voo 703 de Saratov Airlines foi un voo de pasaxeiros doméstico dende o aeroporto de Moscova-Domodedovo ao aeroporto de Orsk en Rusia. O 11 de febreiro de 2018 o avión que realizaba o voo, un Antonov An-148-100B, esnafrouse pouco despois da engalaxe matando 71 persoas a bordo, 65 pasaxeiros e 6 tripulantes.

Voo 703 de Saratov Airlines
RA-61704 A148(100V) Saratov Airlines DME UUDD (34546882305).jpg
O avión do accidente
Resumo
Data  11 de febreiro de 2018
Causa  baixo investigación
Lugar  preto de Stepanovskoe,
óblast de Moscova
Coordenadas  55°17′59″N 38°23′25″L / 55.29972, -38.39028Coordenadas: 55°17′59″N 38°23′25″L / 55.29972, -38.39028
Orixe  Moscova-Domodedovo
Destino  aeroporto de Orsk
Finados  71 (todos)
Aeronave
Tipo de aeronave Antonov An-148-100B
Operador  Saratov Airlines
Pasaxeiros  65
Tripulación  6
Superviventes  0

Foi o primeiro accidente con vítimas mortais tras 438 días dun reactor comercial de pasaxeiros; o anterior accidente fatal deste tipo foi o voo 2933 de LaMia o 28 de novembro de 2016.[1][2]

AviónEditar

O avión involucrado no accidente era un Antonov An-148-100B construído por Voronezh Aircraft Production Association,[3] con rexistro RA-61704, número de serie 27015040004 e equipado con dous motores Progress D-436. Voou por primeira vez en maio de 2010 e empezou a operar con Rossiya Airlines o 23 de xuño dese ano. Antes do accidente tivo dous incidentes menores en servizo; un motor deixou de funcionar o 28 de xullo de 2013 despois da perda do compresor en voo, e sofreu un fallo no tren de aterraxe dianteiro nunha engalaxe o 23 de agosto do mesmo ano. O avión fora alugado a Saratov Airlines en febreiro de 2017, un ano antes do accidente.[4]

AccidenteEditar

O voo era un servizo doméstico regular de pasaxeiros dende o aeroporto de Moscova-Domodedovo ata o aeroporto de Orsk, unha cidade preto da fronteira con Casaquistán, operado pola aeroliña rexional rusa Saratov Airlines. O hora de saída programada eran as 14:00.[5] O voo engalou de Moscova ao redor das 14:21.[4][6]

Varios minutos despois de engalar a velocidade e altitude do avión comenzaron a flutuar. Momentos antes do accidente o voo 703 gañara unha altitude de 1 800 metros e unha velocidade do aire de 600 km/h. Entón perdeu altura rapidamente ata que desapareceu do radar a unha altitude duns 900 metros.[5]

O avión esnafrouse preto das vilas de Argunovo e Stepanovskoye no distrito de Ramensky do óblast de Moscova.[7][8] O accidente ocorreu ás 14:27 hora local (11:27 UTC), seis minutos despois de engalar de Moscova.[4] Testemuñas informaron de que o avión estaba en chamas durante a súa caída cara ao chan.[9] O choque foi gravado por unha cámara de vixilancia nunha casa próxima. Na gravación pode verse o avión impactar contra o chan e inmediatamente estoupar en chamas.[10]

A fiscalía rusa iniciou procedementos penais por presuntas violacións das regras de seguridade do tráfico aéreo. Atopou informes de que á aeroliña se lle prohibira operar rutas internacionais en 2015, e que estas se reiniciaran tras un cambio de políticas en 2016. O Servizo Federal para a Supervisión do Transporte Ruso (Rostransnadzor) afirmou que durante a exploración do avión accidentado, a aeroliña violara o procedemento do cambio de aceite nas caixas de engrenaxes, e o procedemento para limpar os filtros de aire de arranque.[11]

NotasEditar

  1. Reuters (ed.). "2017 safest year on record for commercial passenger air travel: groups". Consultado o 10 de marzo de 2018. 
  2. Forbes (ed.). "Nobody Died In Commercial Jet Crashes In 2017: Good News, But Not As Good As You Might Think". Consultado o 10 de marzo de 2018. 
  3. The Telegraph (ed.). "71 feared dead as Russian plane crashes near Moscow". Consultado o 11 de marzo de 2018. 
  4. 4,0 4,1 4,2 Aviation Safety Network (ed.). "Accident description". Consultado o 11 de marzo de 2018. 
  5. 5,0 5,1 tvrain.ru (ed.). "«Коммерсантъ» назвал возможные причины крушения Ан-148". Consultado o 11 de marzo de 2018. 
  6. Flightradar24 (ed.). "Saratov Airlines Flight 703 Crashed Outside of Moscow". Consultado o 11 de marzo de 2018. 
  7. Russia Today (ed.). "Plane with 71 on board goes missing after taking off from Moscow". 
  8. The Telegraph (ed.). "Russian plane 'crashes' after taking off from Moscow". Consultado o 11 de marzo de 2018. 
  9. Sky News (ed.). "No survivors after Russian plane carrying 71 people crashes near Moscow". Consultado o 11 de marzo de 2018. 
  10. tvrain.ru (ed.). "Опубликовано видео крушения Ан-148 в Подмосковье". Consultado o 11 de marzo de 2018. 
  11. ria.ru (ed.). "СК возбудил дело после крушения Ан-148 в Подмосковье". Consultado o 11 de marzo de 2018.