Vicente Paz Infante
Vicente Paz Infante, nado no concello de Riobarba (hoxe O Vicedo) en 1896 e finado en Buenos Aires en 1938, foi un sindicalista e dirixente societario galego na Arxentina.
  | |
| Biografía | |
|---|---|
| Nacemento | 1896 O Vicedo, España |
| Morte | 1938 (41/42 anos) Buenos Aires, Arxentina |
| Actividade | |
| Ocupación | sindicalista, político |
Traxectoria
editarRebelouse contra a educación católica da familia que o educou no seminario, e aos 18 anos emigrou a Cuba, onde foi secretario xeral do sindicato Unión de Dependientes de cafés en 1919.[1][2] Extraditado a España pola ditadura de Mario García Menocal en decembro de 1919,[3] foi enviado a prisión. Despois exiliouse no Uruguai e logo marchou a Arxentina. Afiliouse á Sociedad Vivariense e ingresou na Federación de Sociedades Gallegas Agrarias y Culturales a través de Nueva Era de Vilanova. Fundou a sociedade Hijos de Riobarba, que dirixiu até a súa morte. Militou no Centro de Socialistas Españoles e no Centro Republicano Español. Socialista marxista, combateu as ideas nacionalistas aínda que admiraba a Suárez Picallo. Foi membro da xunta executiva da Federación en 1927 e 1928 e a finais dese ano foi elixido secretario xeral da Federación. Colaborou en El Despertar Gallego. Foi o principal protagonista da ruptura da Federación en 1929 e da creación da Federación de Sociedades Gallegas de Buenos Aires, de orientación socialista, onde participou no comité de prensa e colaborou en Acción Gallega. Foi tamén axente da fusión das dúas federacións en 1936. Morreu en Buenos Aires en 1938 con 42 anos. Foi amigo de José Cobelo e Alfredo Baltar, que continuaron o seu ideario.
Notas
editarVéxase tamén
editarBibliografía
editar- Díaz, Hernán M. (2007). Fundación Sotelo Blanco-Biblos, ed. Historia de la Federación de Sociedades Gallegas. Buenos Aires. p. 238. ISBN 978-950-786-574-9.
Ligazóns externas
editar- "Paz Infante, el emigrante de Riobarba que dirigió la Federación de Sociedades Gallegas" in La Voz de Galicia (Viveiro), 8-10-2017