Valentin Inzko
Valentin Inzko, nado en Klagenfurt o 22 de maio de 1949, é un político, diplomático, avogado, filólogo e tradutor austríaco de orixe eslovena. Desde o 26 de marzo de 2009 é o 7º Alto Representante para Bosnia e Hercegovina.[1]
  | |
| Biografía | |
|---|---|
| Nacemento | 22 de maio de 1949 (74 anos) Klagenfurt, Austria |
| 7º Alto Representante para Bosnia e Hercegovina | |
| 26 de marzo de 2009 – 31 de xullo de 2021 ← Miroslav Lajčák (pt)  – Christian Schmidt → | |
| Ambassador of the Republic of Austria (en) | |
| | |
| Datos persoais | |
| País de nacionalidade | Austria |
| Relixión | Igrexa católica |
| Educación | Universidade de Graz Academia Diplomática de Viena |
| Actividade | |
| Lugar de traballo | Liubliana |
| Ocupación | lingüista , tradutor , diplomático , político |
| Lingua | Lingua alemá, lingua eslovena, lingua inglesa, Lingua serbocroata, lingua rusa e lingua checa |
| Familia | |
| Cónxuxe | Bernarda Fink |
| Pai | Valentin Inzko (en) |
Premios
| |
Inicios e formación editar
Naceu na cidade austríaca de Klagenfurt o día 22 de maio de 1949, no seo dunha familia eslovena. O seu pai ten o mesmo nome e foi un recoñecido activista cultural e político.
Asistiu a unha escola bilingüe (esloveno-alemá) no municipio de Feistritz im Rosental. Despois de graduarse en secundaria, en 1967 comezou a asistir á Universidade de Graz na cal estudou Dereito e Filoloxía eslava. Logo desde 1972 a 1974 foi alumno da Academia Diplomática de Viena.
Carreira diplomática editar
En 1974 terminou os seus estudos superiores e entrou no Servizo Diplomático austríaco.
Entre 1982 e 1986 foi agregado de prensa na embaixada de Austria en Belgrado, despois serviu na Misión Diplomática de Austria ante as Nacións Unidas, entre 1990 e 1996 foi agregado cultural de Austria na República Checa, entre outubro e decembro de 1992 foi membro da Organización para a Seguridade e a Cooperación en Europa (OSCE) na rexión de Sandžak, entre 1996 e 1999 foi o Embaixador de Austria en Bosnia e Hercegovina e en 2005 foi embaixador en Eslovenia.
Dende o 11 de marzo de 2009 até o 1 de setembro de 2011 foi Representante especial da Unión Europea para Bosnia e Hercegovina.
Actualmente dende o 26 de marzo de 2009 é o 7º Alto Representante para Bosnia e Hercegovina, en substitución do diplomático eslovaco Miroslav Lajčák.
Ao mesmo tempo en xuño de 2010 foi elixido para ser o presidente do Consello Nacional dos Eslovenos de Carintia.
Vida privada editar
Está casado coa mezzosoprano de orixe arxentina-eslovena, Bernarda Fink. Teñen dous fillos en común. É crente da Igrexa católica.
Cabe destacar que Valentin Inzko é multilingüe, xa que fala con fluidez os idiomas esloveno, alemán, serbocroata, inglés, ruso, francés e checo.
Ademais do seu labor diplomático, entre outras obras foi o tradutor ao esloveno dos ensaios de Václav Havel.
Condecoracións editar
| Distinción | Período | Lugar | Outorgado por |
|---|---|---|---|
| Gran Condecoración de Honra en prata da Orde ao Mérito da República de Austria | 2012 |  Austria
|
Heinz Fischer |
Notas editar
- ↑ Agencia EFE (13 de marzo de 2009). "El austríaco Inzco designado nuevo representante internacional para Bosnia". Saraxevo. Consultado o 13 de decembro de 2016.
Véxase tamén editar
Wikimedia Commons ten máis contidos multimedia na categoría: Valentin Inzko  |