Valdáliga

Valdáliga é un concello da comunidade autónoma de Cantabria situado a 58 quilómetros de Santander. A súa extensión é de 97,76 km², sendo un dos maiores desta autonomía, aínda que a súa poboación só ronda os 2.500 habitantes.

Valdáliga
Localización
País	España
Comunidade Autónoma	Cantabria
Comarca	Costa Occidental
Xeografía
Altitude	50 msnm
Superficie	97,8 km²
Demografía
Poboación	2.306 hab. (2009)
Densidade	23,58 hab./km²
Xentilicio	Valdáligo/a
Outros datos
Código postal	39330
Alcalde	Lorenzo Manuel González Prado (AVI) (2007)

Limita con poboacións importantes como Cabezón de la Sal, Comillas e San Vicente de la Barquera. Ao norte asómase ao Mar Cantábrico mediante unha ampla franxa do Parque natural de Oyambre, mentres que ao sur recóstase nas brumosas ladeiras da Serra do Escudo de Cabuérniga, onde nace o río Escudo.

Comparte cos concellos de Herrerías e Rionansa a cova de El Soplao.

Localidades

Ermida de San Antonio en Caviedes.

• Caviedes
• Labarces
• Lamadrid
• Roiz (Capital)
• San Vicente del Monte
• El Tejo
• Treceño

Economía

A súa economía sempre foi agropecuaria, forestal e ultimamente turística. Un 21 % da poboación emprégase no sector primario, un 21,6 % na construción, un 12,6 % na industria e un 44,8 % no sector terciario. No municipio a taxa de actividade é do 49,4 % e a taxa de paro é do 10,2 %, mentres que a media en Cantabria está arredor do 52,5 % e do 14,2 % respectivamente. Predomina polo tanto o sector servizos.

Patrimonio

Destaca unha Casa-Torre en Roiz, ben de interese cultural con categoría de monumento e, ademais, a Casona da Salceda en Treceño, Ben inventariado.

Demografía

Evolución demográfica

1900	1910	1920	1930	1940	1950	1960	1970	1980	1990	2000	2007
3.566	3.637	3.758	3.595	3.626	3.932	3.434	3.252	2.753	2.832	2.541	2.364

Fonte: INE

Administración

Eleccións municipais, 25 de maio de 2003 Partido Votos % Concelleiros PP 1086 59,57 % 7 PSOE 556 30,50 % 3 PRC 156 8,56 % 1 Alcalde electo: Calixto García Gómez (PP).

Eleccións municipais, 27 de maio de 2007 Partido Votos % Concelleiros AVI 703 37,90 % 5 PP 539 29,06 % 3 PSOE 499 26,90 % 3 Alcalde electo: Lorenzo Manuel González Prado (AVI).