Uxío Carré Naya

Uxío Carré Naya, nado na Coruña en 1915 e finado en Elviña o 28 de agosto de 1936, foi un político e sindicalista galego.

Uxío Carré Naya
Nacemento	1915
Lugar de nacemento	A Coruña
Falecemento	28 de agosto de 1936
Lugar de falecemento	Elviña
Nacionalidade	España
Ocupación	sindicalista e político
Pai	Uxío Carré Alvarellos
[ editar datos en Wikidata ]

Para outras páxinas con títulos homónimos véxase: Uxío Carré.

Traxectoria

Fillo de Uxío Carré Alvarellos (e neto de Uxío Carré Aldao), participou na vida política da Coruña dende os dezaoito anos, ao tempo que remataba os seus estudos de mestre. Exerceu como profesor de dereito mercantil. En 1935 creou a Unión de Estudiantes Antifascistas para facer fronte ás actividades falanxistas na Escola de Comercio. Despois foi asesor da UGT da Coruña en diversos conflitos e chegou a asumir a secretaría da FETE-UGT da Coruña. En 1935 ingresou no Partido Obrero de Unificación Marxista (POUM) e nos últimos días da República acompañou a Joaquín Maurín na súa xira por Galicia. Foi asasinado en Elviña o 28 de agosto de 1936.

Véxase tamén

Bibliografía

• Dicionario biográfico de Galicia 1. Ir Indo Edicións. 2010-2011. 
• Lamela García, L. (2002). A Coruña, 1936: memoria convulsa de una represión, p. 52. Ediciós do Castro.

Ligazóns externas

• Uxío Carré Naya na páxina web Nomes e Voces.