Jesús Aranguren
Jesús Aranguren Merino, coñecido como Txutxi Aranguren, nado en Portugalete o 26 de decembro de 1944 e finado en Barakaldo o 21 de marzo de 2011, foi un futbolista e adestrador de fútbol español. Xogaba de defensa e pasou toda a súa carreira no Athletic Club.
| Biografía | |||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 26 de decembro de 1944  Portugalete, España | ||||||||||||||||||||||||||||||||||||||||||||||||||||||
| Morte | 21 de marzo de 2011 (66 anos) Barakaldo, España | ||||||||||||||||||||||||||||||||||||||||||||||||||||||
| Causa da morte | infarto agudo de miocardio | ||||||||||||||||||||||||||||||||||||||||||||||||||||||
| Datos persoais | |||||||||||||||||||||||||||||||||||||||||||||||||||||||
| País de nacionalidade | España | ||||||||||||||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||||||||||||||
| Ocupación | futbolista , adestrador de fútbol | ||||||||||||||||||||||||||||||||||||||||||||||||||||||
| Lingua | Lingua castelá | ||||||||||||||||||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||||||||||||||||||
| Posición de xogo | Defensa | ||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||
Traxectoria
editarComo xogador
editarAranguren formou parte do Sestao Sport e Athletic Club de Bilbao, onde debutou con 17 anos en Primeira División. Foi internacional xuvenil, Sub-21 e militar, proclamouse dúas veces campión de Copa.
Como adestrador
editarAdestrou ao Athletic Club en categorías infantil e xuvenil, dirixindo uns partidos ao primeiro equipo en 1992 tras a saída de Iñaki Sáez, á Selección Biscaíña, Bilbao Athletic, Deportivo Alavés, Recreativo de Huelva, Cartagena FC en Segunda División, Levante Unión Deportiva, Deportivo da Coruña, CD Logroñés, Sporting de Xixón e, de novo, ao Deportivo Alavés, desde o inicio da tempada 1994-95, co que logrou o ascenso. Á beira do cesamento en dúas ocasións durante a campaña 1995-96, renovou como adestrador do primeiro equipo e como director xeral, en lugar de Javier Zubillaga, a finais de campaña. Ocupou diversos postos na estrutura técnica do Athletic Club.
Foi cesado, tras unha campaña moi pobre, o domingo 16 de febreiro de 1997, tras a derrota por 2-3 ante o Real Mallorca. Tras varios anos adestrando ao FC Cartagena, onde deixou un gran recordo, Aranguren regresou ao Deportivo Alavés para facerse cargo do equipo filial.
O 29 de abril de 2003 substituíu a José Manuel Esnal "Mané" á fronte do primeiro equipo até o final da tempada. Tras non conseguir enderezar o rumbo do equipo, que rematou por descender de categoría, Aranguren regresou a adestrar ao Deportivo Alavés B, até xuño de 2004.