Tubular Bells
Tubular Bells é o álbum de estrea do músico inglés Mike Oldfield, publicado o 25 de maio de 1973 a través do selo Virgin Records. Oldfield, que tiña 19 anos cando foi gravado, tocou case todos os instrumentos do disco case completamente instrumental.
| Tubular Bells | ||||
|---|---|---|---|---|
| Álbum de Mike Oldfield | ||||
| Publicado | 25 de maio de 1973 | |||
| Gravación | novembro de 1972 - abril de 1973 | |||
| Estudio(s) | The Manor, Oxfordshire | |||
| Duración | 49:18 | |||
| Xénero(s) | rock progresivo | |||
| Selo(s) | Virgin Records | |||
| Producido por | Tom Newman, Simon Heyworth, Mike Oldfield | |||
| Cronoloxía | ||||
| ||||
Inicialmente o álbum vendeu pouco, pero fíxose coñecido en todo o mundo en decembro de 1973 cando o seu tema de apertura foi usado na banda sonora do filme de terror O exorcista. Isto levou a un aumento nas vendas que aumentou o perfil de Oldfield e desempeñou un papel importante no crecemento do grupo Virgin. O disco estivo no top 10 de álbums británico durante un an dende marzo de 1974, chegando ao número 1 durante unha semana.[1] Chegou ao númeo 3 da lista estadounidense Billboard 200,[2] e ao número 1 no Canadá e Australia. O álbum vendeu máis de 2,7 millóns de copias tan só no Reino Unido e uns 18 millóns en todo o mundo.[3]
Unha versión orquestral producida por David Bedford foi editada en 1975 como The Orchestral Tubular Bells. Oldfield gravou tres secuelas: Tubular Bells II (1992), Tubular Bells III (1998), e The Millennium Bell (1999). Polo 30 aniversario do disco Oldfield regravou o álbum como Tubular Bells 2003. En 2009 lanzouse unha edición remasterizada. Recoñeceuse a súa contribución á música británica cando Oldfield tocoi extractos na cerimonia de inauguración dos Xogos Olímpicos de 2012 en Londres. En 2010 a de Tubular Bells foi unha das portadas de dez álbums clásicos de artistas británicos conmemoradas nunha serie de selos por Royal Mail.[4][5]
Listaxe de cancións editar
Toda a música por Mike Oldfield, agás "Tubular Bells, Part Two" que inclúe "The Sailor's Hornpipe".
Cara 1
- "Tubular Bells, Part One" - 26:01
Cara 2
- "Tubular Bells, Part Two" - 23:17
Notas editar
- ↑ "Tubular Bells". www.officialcharts.com (en inglés). Consultado o 2022-12-13.
- ↑ Cabison, Rosalie (2013-01-02). "Billboard 200". Billboard (en inglés). Consultado o 2022-12-13.
- ↑ "TUBULAR BELLS by MIKE OLDFIELD sales and awards". BestSellingAlbums.org (en inglés). Consultado o 2022-12-13.
- ↑ "Royal Mail unveil classic album cover stamps". The Independent (en inglés). 2010-01-07. Consultado o 2022-12-13.
- ↑ "Royal Mail puts classic albums on to stamps". The Guardian (en inglés). 2009-11-21. ISSN 0261-3077. Consultado o 2022-12-13.