Touch and Go Records
Touch and Go Records é unha disográfica independente estadounidense baseada en Chicago, Illinois. Despois da súa aparición como un fanzine caseiro en 1979, converteuse nun dos selos claves nas escenas underground e alternativa estadounidenses dos anos 80. Touch & Go labrouse unha reputación aventurándose a publicar traballos de bandas de noise rock como Butthole Surfers, Big Black e The Jesus Lizard. Xunto con outros selos independentes dos Estados Unidos como Twin/Tone, SST Records ou Dischord Records, Touch and Go axudou a espallar por todo o país unha serie de bandas underground formadas na escena indie pre-Nirvana. Eses selos presidiron o cambio dende o hardcore punk dominante na escena underground da época cara estilos máis diversos de rock alternativo que estaban aparecendo.
| Touch and Go Records | |
|---|---|
| Fundado en | 1981 |
| Fundador | Tesco Vee, Dave Stimson e Corey Rusk |
| Distribuidoras | ADA, Carrot Top, Electric Fetus, Revolver USA, FAB, De Konkurrent, AEC, PIAS, Love Da Records, Inertia |
| Xénero(s) | punk rock, hardcore punk, rock alternativo, noise rock, post-hardcore, indie rock, grunge |
| Orixe | Estados Unidos  |
| Localización | Chicago, Illinois |
| touchandgorecords.com | |