Tim Hardaway
Timothy Duane "Tim" Hardaway, nado 1 de setembro de 1966 en Chicago, Illinois, é un ex xogador americano de baloncesto profesional que xogou na National Basketball Association (NBA) e foi un dos mellores bases da súa época. É o pai de Tim Hardaway, Jr., que xoga actualmente para os New York Knicks.
| Tim Hardaway | |
|---|---|
| Posición | Base |
| Dorsal | 5, 10, 14 |
| Altura | 1,83 m (6 ft 0 in) |
| Peso oficial | 79 kg (175 lb) |
| Nacemento | 1 de setembro de 1966 (57 anos)  Chicago, Illinois
|
| Carreira | |
| Universidade | Texas El Paso |
| NBA Draft | 1989 / Rolda: 1 / Elección: 14 Por Golden State Warriors |
| Tempadas | 1989–2003 |
| Equipo(s) | |
| |
| Estatísticas (NBA) | |
| Puntos | 15 173 |
| Asistencias | 7 095 |
| Rebotes | 2 855 |
| Stats @ Basketball-Reference.com | |
| Premios | |
| |
Primeiros anos editar
Hardaway naceu en Chicago, Illinois. Tras graduarse no Carver Area High School en Chicago, foi á Universidade de Texas El Paso (UTEP), onde gañou o premio Frances Pomeroy Naismith, ao mellor xogador universitario de 6 pés (1.83 metros) de alto ou menos. Hardaway foi elixido na 14ª posición do Draft da NBA de 1989 polos Golden State Warriors.
NBA editar
Na súa tempada coma rookie, Hardaway levou o número "5", xa que Manute Bol levaba o "10". Tras a marcha de Bol dos Warriors, Hardaway colleuno. Cos Warriors, Hardaway era parte do "Run TMC" (as iniciais dos nomes dos xogadores, e un xogo de palabras co nome do grupo de rap Run DMC) que foi o trío máis anotador, formado por el, Mitch Richmond e Chris Mullin. Como parte do ataque dos Warriors, Hardaway era responsable de liderar ao Run TMC, co seu excelente pase e as súas habilidades no un contra un, complementando o lanzamento de Mullin e a forza de Richmond. Hardaway xogou para os Warriors ata a metade da tempada 1995-96 cando foi traspasado aos Miami Heat xunto con Chris Gatling a cambio de Kevin Willis e Bimbo Coles.
Nas súas mellores tempadas, Hardaway acadou de 18 a 23 puntos e de 8 a 10 asistencias por partido. Chegou aos 5.000 puntos e 2.500 asistencias máis rápido que calquera outro xogador, excepto Oscar Robertson. Hardaway participou ademais en cinco NBA All-Star Games. Foi o líder de asistencias de Miami Heat da historia, e xunto co pivote Alonzo Mourning liderou aos Heat a varias das mellores tempadas da franquía.
Foi candidato ao MVP da Tempada na tempada 1996-97, e foi incluído no primeiro quinteto da NBA tras liderar aos Heat á mellor marca da historia da franquía, acadando 20.3 puntos, 8.6 asistencias, e sendo cuarto na liga con 203 triplas.
Coas súas habilidades decrecendo coa idade, Hardaway foi traspasado aos Dallas Mavericks o 22 de agosto de 2001 a cambio dunha elección en segunda rolda do Draft. Con Dallas, Hardaway foi usado frecuentemente dende o banco, sendo titular en tan só 2 de 54 partidos e facendo case dez puntos por partido. Na metade da tempada, foi traspasado aos Denver Nuggets a cambio do base Nick Van Exel. Cos Nuggets xogou de inicio os 14 partidos que xogou con eles, antes de retirarse e converterse en analista de baloncesto para a ESPN. Mentres xogaba cos Nuggets, foi suspendido dous partidos e sancionado con 10.000 dólares pola liga ao tirar un monitor de televisión á pista.[1] O 27 de marzo de 2003, Hardaway asinou un contrato cos Indiana Pacers, e no seu primeiro partido anotou 14 puntos, a súa mellor marca da tempada, e repartiu 7 asistencias contra os Chicago Bulls.
Notas editar
- ↑ The Rule of Flaw, Chicago Sun-Times, March 26, 2002.