Tiago Sousa

Tiago Emanuel da Costa Sousa, nado en Coímbra o 18 de outubro de 1977, é un xogador de hóckey a patíns que xoga de porteiro. Aínda que ten orixe portuguesa ten nacionalidade angolana, e xoga coa selección do país africano.

Tiago Sousa

Biografía
Nacemento	(pt) Tiago Emanuel da Costa Sousa 18 de outubro de 1977 (46 anos) Coímbra, Portugal
Datos persoais
País de nacionalidade	Angola Portugal
Actividade
Ocupación	deportista
Lingua	Lingua portuguesa
Nacionalidade deportiva	Angola
Deporte	hóckey a patíns

Traxectoria

Debutou na Segunda División Portuguesa co Mealhada na tempada 1998-99 conseguindo o ascenso á Primeira División, aínda que a experiencia na máxima categoría do hóckey a patíns portugués tan so durou un ano e na tempada seguinte volvería á división de prata. Na tempada 2001-02 asina o Sporting Clube de Tomar da Primeira División Portuguesa, club no que xoga un ano, fichando ao ano seguinte polo Infante Sagres, no que xoga unha tempada. É na tempada 2003-04 cando vive a súa mellor época tras asinar cun dos grandes do hóckey rodado de Europa, o FC Porto, é nos tres anos que pasou no equipo de Porto nos que consegue tódolos títulos que ten no seu palmarés, 3 ligas, 2 copas, unha supercopa e tres veces finalista da Copa de Europa, nas que o equipo portugues perdería fronte ao FC Barcelona e a última fronte ao Bassano Hockey 54. Na tempada 2006-07 asina co Oliveirense, no que pasa catro anos ata o verán de 2010, cando asina co H.C. Liceo da Coruña (Galiza).

Equipos

• Hóquei Clube da Mealhada: 1998-2001
• Sporting Clube de Tomar: 2001-02
• Clube Infante de Sagres: 2002-03
• FC Porto: 2003-06
• UD Oliveirense: 2006-10
• H.C. Liceo: 2010-

Palmarés

FC Porto

• 3 Ligas portuguesas: 2003-04, 2004-05 e 2005-06
• 2 Copas de Portugal: 2004-05 e 2005-06
• 1 Supercopas de Portugal: 2005-06

HC Liceo

• 1 Copa de Europa: 2010-11

Véxase tamén

Ligazóns externas

• Tiago Sousa na web do Liceo
• Tiago Sousa en www.mundook.net Arquivado 15 de agosto de 2010 en Wayback Machine.