The Fire Theft

The Fire Theft foi unha banda estadounidense de rock procedente de Seattle, Washington. Foi fundada no ano 2001 polo vocalista e guitarrista Jeremy Enigk, o baixista Nate Mendel e o batería William Goldsmith, que tocaran anteriormente en Sunny Day Real Estate. Mendel tamén toca o baixo en Foo Fighters e Goldsmith foi o batería desa banda entre 1995 e 1997. Esta formación de The Fire Theft era tres cuartos de Sunny Day Real estate, sendo o guitarrista Dan Hoerner o único que non se uniría aos seus antigos compañeiros.

The Fire Theft
Jeremy1.jpg
OrixeSeattle, Washington, Flag of the United States.svg
Período2001 - 2004
Xénero(s)rock progresivo, hard rock, art rock
Selo(s) discográfico(s)Rykodisc
MembrosJeremy Enigk
William Goldsmith
Nate Mendel

Aínda que o grupo entrou en hiato no ano 2004, nunca houbo un anuncio oficial de separación.

HistoriaEditar

The Fire Theft publicaron un álbum autotitulado o 23 de setembro de 2003 a través do selo independente Rykodisc. Só o tema "Chain" foi editado como sinxelo promocional. Tras o lanzamento a banda iniciou unha xira de presentación do traballo. Dende entón a banda está en hiato. Sobre futuros proxectos Jeremy Enigk ten dito que imaxina que "The Fire Theft volverá a toda marcha. Só temos que atopar un novo selo ou crear o noso". Anunciouse tamén un DVD coa banda actuando en Seattle, pero nunca chegou a ser editado. En 2007, Billboard.com informou que a banda estaba discutindo reunirse. No mesmo artigo Nate Mendel dixo: "Non estamos realmente seguros, pero estamos facendo plans para tocar xuntos dunha forma ou doutra -- esperemos que o próximo ano".[1] Jeremy Enigk engadiu noutra entrevista que a banda estivera "falando sobre converterse nunha banda de estudio: só gravar e non xirar". Enigk tamén planea editar o seguinte álbum a través de Lewis Hollow Recordings, o seu propio selo discográfico.

En decembro do ano 2008, Enigk ofreceu unha actualización do proxecto de DVD ao vivo proposto:

Enviámolo a un lugar e mantivemos unha reunión con algúns rapaces sobre reunir todo ese material e editalo. Eu realmente non sei que vai pasar. Iso foi fai un ano e non volvín escoitar nada máis do tema dende entón. Creo que o motivo é porque están facendo iso de xeito profesional. Tamén hai demasiado material, porque xa non é só un DVD en directo. O tipo Maury (Duchamp), que estivo filmando desafortunadamente morreu, pero xirou con nós bastante. E filmou moitos concertos, moitas das nosas entrevistas, e algún material nos camerinos. Pensamos que probablemente debiamos facer algo máis como o que el tiña en mente, máis que un gran documental de toda a historia. Así que acabou converténdose nun proxecto máis grande do que prevíamos. E principalmente para atender ao que Maury quería, na súa memoria. El quería facer un documental completo, pero quería que se prolongase durante moito tempo.[2]

Despois da reunión de Sunny Day Real Estate en 2009 cos catro membros orixinais, a situación da banda é incerta. Enigk admitiu no seu momento que se Sunny Day Real Estate ía a estar xunta non habería moitas razóns para reunir a The Fire Theft.[3]

DiscografíaEditar

ÁlbumsEditar

Álbum Ano Selo
The Fire Theft 2003 Rykodisc

EPsEditar

Álbum Ano Selo
Hands on You EP 2004 Rykodisc

NotasEditar

  1. "Foo Tour: Two Stages, Big Band, But No Pyro". Billboard. Consultado o 2019-10-30. 
  2. "ICONS Interview with Jeremy Enigk of SUNNY DAY REAL ESTATE & THE FIRE THEFT". web.archive.org. 2010-10-11. Consultado o 2019-10-30. 
  3. "Sunny Day Real Estate". Music. Consultado o 2019-10-30.