The Car
The Car é o sétimo álbum de estudio da banda inglesa de indie rock Arctic Monkeys, publicado o 21 de outubro de 2022 a través do selo Domino Recording Company. Foi composto polo líder do grupo Alex Turner na súa casa dos Ánxeles. Gravouse entre París, Suffolk e Londres coa produción do colaborador habitual do grupo James Ford, xunto cos músicos invitados Tom Rowley, Loren Humphrey e Tyler Parkford. Foi arranxado por Bridget Samuels e Turner. O batería Matt Helders sacou a fotografía da portada, que representa un coche branco nun aparcadoiro baleiro. O seu título refírese a dita portada e á abundancia de referencias a vehículos nas letras.
The Car | ||||
---|---|---|---|---|
Álbum de Arctic Monkeys | ||||
Publicado | 21 de outubro de 2022 | |||
Gravación | 2021 - 2022 | |||
Estudio(s) | La Frette, París Butley Priory, Suffolks RAK, Londres | |||
Duración | 37:18 | |||
Xénero(s) | rock orquestral, lounge pop, baroque pop, funk | |||
Selo(s) | Domino Recording Company | |||
Producido por | James Ford | |||
Cronoloxía | ||||
| ||||
The Car baséase no son do anterior disco da banda, Tranquility Base Hotel and Casino (2018). Conta cunha ampla gama de xéneros que inclúen rock orquestral, lounge pop, baroque pop e funk, así como elementos de jazz. Tamén está influenciado pola música soul, a electrónica, o glam rock, a bossa nova, o pop tradicional e a música de películas antiga.
O álbum foi aclamado pola crítica tras o seu lanzamento. Os críticos loubaron a progresión artística da banda, a produción do álbum e as letras de Turner. O traballo estreouse no número 2 en dez países, incluído o Reino Unido, non chegando ao primeiro lugar por mor do disco Midnights de Taylor Swift.[1] Foi o primeiro álbum de Arctic Monkeys que non chegou ao número 1 da lista británica. O disco foi promocionado polos sinxelos "There'd Better Be a Mirrorball", "Body Paint" e "I Ain't Quite Where I Think I Am". The Car acadou o posto 6 da lista estadounidense Billboard 200.[2]
Listaxe de cancións editar
Tódolos temas escritos e compostos por Alex Turner, agás onde se indique.
N.º | Título | Escritor(es) | Duración | ||||||
---|---|---|---|---|---|---|---|---|---|
1. | "There'd Better Be a Mirrorball" | 4:25 | |||||||
2. | "I Ain't Quite Where I Think I Am" | 3:11 | |||||||
3. | "Sculptures of Anything Goes" |
|
3:59 | ||||||
4. | "Jet Skis on the Moat" |
|
3:17 | ||||||
5. | "Body Paint" | 4:50 | |||||||
6. | "The Car" | 3:18 | |||||||
7. | "Big Ideas" | 3:57 | |||||||
8. | "Hello You" | 4:04 | |||||||
9. | "Mr Schwartz" |
|
3:30 | ||||||
10. | "Perfect Sense" | 2:47 | |||||||
37:18 |
Notas editar
- ↑ "Official Albums Chart Top 100". www.officialcharts.com (en inglés). Consultado o 2022-11-05.
- ↑ Cabison, Rosalie (2013-01-02). "Billboard 200". Billboard (en inglés). Consultado o 2022-11-05.