Supercontinente
Supercontinente é a denominación empregada en xeoloxía para aquelas masas terrestres que consisten en dous ou máis cratóns ou núcleos de continentes. Comunmente asóciase a Panxea con este termo, ou aos outros dous grupos de terras emerxidas da súa división (Gondwana e Laurasia), aínda que a listaxe de supercontinentes pasados, presentes e futuros é máis extensa.
Efectos xeolóxicos editar
Os supercontinentes bloquean a saída da calor interna da terra, o cal produce un sobrequecemento da astenosfera. Eventualmente, isto produce fisuras na litosfera a través das cales emerxerá magma que empurrará aos bloques, afastándoos. Non está aínda claro se os continentes vólvense a xuntar de modo accidental logo de trasladarse polo planeta (ver Deriva continental) ou se se separan e volven unirse logo nun movemento acordeónico.
Supercontinentes parciais editar
Os que abranguen unha cantidade considerable (xeralmente, entre un cuarto e un medio) das terras emerxidas, en orde cronolóxica.
- Nena (hai uns 1.800 millóns de anos).
- Atlántica (hai uns 1.800 millóns de anos).
- Euramérica (hai uns 400 millóns de anos).
- Gondwana (hai uns 200 millóns de anos).
- Laurasia (hai uns 200 millóns de anos).
- Eurafrasia (actual; ás veces considérase a unha agrupación menor, Eurasia, que inclúe a Europa e a Asia; pero dende un punto de vista xeolóxico non é un supercontinente).
- América (actual).
Lista de supercontinentes maiores editar
(os que abarcaron a totalidade ou a maior parte das terras emerxidas, en orde cronolóxica)
- Vaalbará (xorde hai aproximadamente 4.000 millóns de anos. É o primeiro supercontinente teorizado da terra).
- Ur (xorde hai aproximadamente 3.000 millóns de anos. Aínda que non comprendía o tamaño dos supercontinentes posteriores).
- Kenorland (xorde hai 2.500 millóns de anos, divídese hai 2.100 millóns de anos).
- Columbia (xorde hai 1.800 millóns de anos, divídese hai 1.500 millóns de anos).
- Rodinia (xorde hai 1.100 millóns de anos, divídese hai 750 millóns de anos).[1]
- Pannotia (xorde hai 600 millóns de anos, divídese hai 540 millóns de anos).[2]
- Panxea (xorde hai 300 millóns de anos, divídese hai 200 millóns de anos).
- Panxea Última ou Amasia (formarase dentro de 250 millóns de anos).
Notas editar
- ↑ Coenraads, Robert R.; Koivula, John I. (2008). Margaret Olds, ed. Geológica, las fuerzas dinámicas de la Tierra (en castelán). p. 28. ISBN 978-3-8331-4379-3.
- ↑ Coenraads, Robert R.; Koivula, John I. (2008). Margaret Olds, ed. Geológica, las fuerzas dinámicas de la Tierra (en castelán). pp. 29, 55. ISBN 978-3-8331-4379-3.