Steve Jobs

Steven Paul Jobs, máis coñecido como Steve Jobs, nado o 24 de febreiro de 1955 e finado o 5 de outubro de 2011, foi un magnate e empresario informático estadounidense. Foi o cofundador, e presidente executivo de Apple Inc. Jobs tamén foi durante un tempo presidente executivo de Pixar Animation Studios; e fíxose membro do consello de directores de The Walt Disney Company en 2006, despois da adquisición de Pixar por parte de Disney. Nos créditos de Toy Story (1995) aparece como un dos produtores executivos.

Steve Jobs

(2010)
Biografía
Nacemento	24 de febreiro de 1955 San Francisco, Estados Unidos de América
Morte	5 de outubro de 2011 (56 anos) Palo Alto, Estados Unidos de América
Causa da morte	cancro de páncreas
Lugar de sepultura	Alta Mesa Memorial Park (pt)
Director executivo Apple
16 de setembro de 1997 – 24 de agosto de 2011 – Tim Cook →
Director executivo Pixar
29 de novembro de 1995 – 1997
Director executivo NeXT
1985 – 1997
Director executivo Apple
3 de xaneiro de 1977 – 1985
Datos persoais
Residencia	Mountain View
Relixión	Budismo e Zen
Educación	Reed College (pt) (1972–1974) Homestead High School (pt) (–1972) De Anza College (en)
Actividade
Ocupación	emprendedor, produtor delegado, produtor de cinema, financeiro, informático teórico, inventor, deseñador, technology entrepreneur (en)
Período de actividade	1974 - 2011
Empregador	Apple NeXT Pixar Atari, Inc.
Partido político	Partido Demócrata
Membro de	Academia das Artes e das Ciencias dos Estados Unidos
Participou en
2005	commencement at the Stanford University (en)
Obra
Obras destacables iMac IPad iPhone (1976) Apple I (1977) Apple II (1983) Apple Lisa (1988) NeXT Computer (en) (1989) NeXTSTEP (2001) iTunes (2001) Mac OS X Cheetah (2001) iPod (2008) App Store
Familia
Cónxuxe	Laurene Powell Jobs (1991–2011), morte da persoa
Parella	Chrisann Brennan
Fillos	Adrian Brennan-Jobs  () Chrisann Brennan Reed Paul  () Laurene Powell Jobs Erin Sienna  () Laurene Powell Jobs Eve Jobs  () Laurene Powell Jobs
Pais	Abdulfattah Jandali   e Joanne Carole Schieble Simpson
Irmáns	Mona Simpson
Parentes	Paul Jobs, pai adotivo Clara Hagopian Jobs, mãe adotiva Bassma Al Jandaly, curmán Malek Jandali, curmán
Premios
(2013)  Lendas Disney (2012)  Salón da Fama dos Inventores Nacionais (2012)  Prêmio Grammy ao Curador (pt) (2010)  Persoa do Ano polo Financial Times (2007)  Salón da Fama de California (1985)  Medalla Nacional de Tecnoloxía e Innovación
Sinatura
Descrito pola fonte	Lentapedia Obálky knih,
Sitio web	apple.com…

A finais dos anos 70, Jobs, co cofundador de Apple Steve Wozniak, e xunto a Mike Markkula e outros, deseñaron, desenvolveron e comercializaron unha das primeiras e exitosas liñas de ordenadores persoais, a serie Apple II. A principios dos 80, Jobs estaba entre os primeiros en ver o potencial comercial da interface gráfica controlada por rato da compañía PARC, que levou á creación do Macintosh.

O 5 de outubro de 2011, Apple anunciou que Jobs falecera á idade de 56 anos debido a un cancro neuroendocrino de páncreas.

Traxectoria

Infancia

Joanne Simpson foi a nai de Steve Jobs e Abdulfattah John Jandali foi o seu pai. Nado en Green Bay (Wisconsin) foi adoptado, despois de nacer, por Paul e Clara Jobs procedentes de Mountain View (Santa Clara County, California). Neste lugar foi onde viviu toda a súa infancia.

A creación do Apple I e a fundación de Apple Computer

Steve Jobs (esquerda) con Bill Gates.

O primeiro ordenador de Apple o Apple I foi construído e deseñado por Steve Wozniak para uso persoal, mais foi Jobs quen o convenceu de presentalo no Homebrew Computer Club e vendelo, nacendo así en 1976 Apple Computer Inc. O prezo orixinal deste foi de 500$, mais o aumentaron a 666,66 $ para obter unha marxe de beneficio.

A partir de entón, a empresa comezou a crecer e en tan só dez anos aumentou o número de empregados a 4000. Con 27 anos, Steve Jobs converteuse no millonario máis novo de 1982.

A súa saída da Apple Computer

En 1985, despois dunha loita interna polo poder, Jobs foi destituído dos seus cargos na empresa e despedido por John Sculley, CEO da empresa. Logo da súa saída, Jobs fundou NeXT Computer. Semellante ó Apple Lisa, NeXT tiña unha tecnoloxía moi avanzada para a época, pero nunca foi moi popular. En 1986 comprou Pixar a LucasFilm, empresa que, posteriormente, se faría moi famosa polos seus filmes de animación feitos con ordenadores (coma Toy Story).

A súa volta á Apple Computer

En xullo de 1997, Steve Jobs regresou a Apple. A situación da empresa nese momento non era boa pero, coa súa chegada, Steve Jobs conseguiu mellorar as vendas a base de novos modelos que marcan as tendencias no deseño dos ordenadores, como por exemplo o iMac. O día 24 de agosto de 2011 presentou a súa renuncia como CEO de Apple.

Véxase tamén

Outros artigos

• Apple Computer
• NeXT
• Pixar
• Apple Lisa

Ligazóns externas

• Apple - Press Info - Bios - Steve Jobs - Biografía oficial. (en inglés)
• Historia de una manzana - Artigo no xornal El Mundo sobre Steve Jobs. (en castelán)