Stéphane Grappelli

Stéphane Grappelli, nado en París o 26 de xaneiro de 1908 e finado na mesma cidade o 1 de decembro de 1997, foi un violinista francés do jazz que fundou canda o guitarrista Django Reinhardt o Quintette du Hot Club de France.

Stéphane Grappelli
StephaneGrappelli25.JPG
Grappelli en 1991
Nacemento26 de xaneiro de 1908
OrixeParís, Francia
Falecemento1 de decembro de 1997
 París
SoterradoCrématorium-columbarium du Père-Lachaise
OcupaciónMúsico
XéneroJazz
Instrumento(s)Violín, piano, saxofón, acordeón
Relacionado conDjango Reinhardt, Quintette du Hot Club de France, Oscar Peterson, David Grisman
editar datos en Wikidata ]

TraxectoriaEditar

De pai italiano e nai francesa, á idade de 4 anos ficou orfo de nai. Aos 12 anos comezou a tocar o violín nas rúas para levar diñeiro á súa casa. En 1923 -aos 15 anos- comezou a súa carreira profesional como violinista e pianista nos cines acompañando as películas mudas.

En 1934 naceu o Quinteto do Hot Club de Francia. Ao comezar a Segunda Guerra Mundial atopábase de xira en Inglaterra; Django volveu enseguida a Francia, pero Grappelli decidiu quedar en Londres. Cando se reencontraron en 1946, tocaron e gravaron espontaneamente A Marsellesa rebautizada Ecos de Francia (Echoes of France). Esta gravación converteuse nun escándalo e a matriz foi destruída.

Despois de tocar con Reinhardt, Grappelli gravou máis dun centenar de discos con grandes músicos, especialmente con Oscar Peterson, Jean-Luc Ponty, Philip Catherine, o cantante Paul Frederic Simon, David Grisman ou incluso con Yehudi Menuhin ou co violinista indio Lakshminarayana Subramaniam.

Foi tamén o compositor e intérprete de pezas orixinais da banda sonora do filme Les Valseuses de Bertrand Blier en 1974, e da música de Milou en mai, filme de Louis Malle de 1989.

Foi condecorado como Cabaleiro da Lexión de Honra.

Grappelli está soterrado no Cemiterio do Père-Lachaise en París.