Sociedade dos Misioneiros de San Paulo
A Sociedade dos Misioneiros de San Paulo (en latín: Societas Missionarium Sancti Pauli; en árabe: جمعية مرسلين القدّيس بولس, "Xamaiah Mursilin al-Qudis Bulus") é unha sociedade de vida apostólica de dereito diocesano, dependente do patriarcado greco-melquita de Antioquía. Os membros da sociedade, coñecidos popularmente como paulistas, engaden ao seu nome as siglas S.M.S.P.
| Sociedade dos Misioneiros de San Paulo Societas Missionarium Sancti Pauli جمعية مرسلين القدّيس بولس ("Xamaiah Mursilin al-Qudis Bulus") | |
|---|---|
 Basílica de San Paulo de Harisa, igrexa nai da sociedade | |
| Sociedade de vida apostólica da Igrexa católica greco-melquita | |
| Historia | |
| Fundación | 15 de agosto de 1903 en Harisa, Líbano |
| Fundador | Xirmanus Muaqad |
| Aprobación | 5 de agosto de 1925, por Demetrio I Qadi |
| Goberno e estrutura | |
| Superior | Xurx Khawam |
| Outros datos | |
| Siglas | S.M.S.P. |
| Sede central | Harisa, Líbano |
Historia editar
A congregación foi fundada en Harisa polo bispo de Balbik Xirmanus Muaqad: constatando a grande ignorancia relixiosa dos seus fieis, tivo a idea de estabelecer un grupo de sacerdotes que predicasen en misións populares nas zonas rurais do Líbano. O patriarca de Antioquía Gregorio II Yusif apoiou o proxecto, e o papa León XIII aconselloulle poñer a súa obra baixo a intercesión de san Paulo.
O 15 de agosto de 1903 Muaqad comezou el mesmo a vida en común xunto a un sacerdote, un diácono e un laico. O 5 de agosto de 1925 a sociedade foi aprobada polo patriarca Demetrio I Qadi.
Actividade e difusión editar
Os padres paulistas dedícanse ás misións populares, ao apostolado da prensa, e ao diálogo ecuménico cos ortodoxos antioquenos. Dende 1968, por iniciativa do Pontificio Consello para o Diálogo Interrelixioso, tamén se ocupan das relacións cos musulmáns.
En 1974 a sociedade contaba con 55 membros repartidos en 6 casas.
Superiores editar
- Xirmanus Muaqad (1903 - 1912)
- Xusif Sair (1912 - 1919)
- Bulus Suyur (1919 - 1922)
- Antuan Habib (1922 - 1951)
- Bulus Axqar (1951 - 1962)
- Xan Xami (1962 - 1968)
- Habib Baxa (1968 - 1975)
- Butrus Mualam (1975 - 1987)
- Xusif Kalas (1987 - 1999)
- Xusif Absi (1999 - 2001)
- Ilias Aria (2001 - 2013)
- Xurx Khawam (dende 2013)
Véxase tamén editar
Bibliografía editar
- Bacha, H. (1978). "Missionari di San Paolo". Dizionario degli istituti di perfezione V. Milán: Edizioni paoline.