O Silmarillion

O Silmarillion é o título dunha recompilación de varias das obras de fantasía escritas polo coñecido J. R. R. Tolkien e publicada o 15 de setembro de 1977 polo seu fillo tras a súa morte.

O Silmarillion
Tipo	obra literaria
Epónimo	Quenta Silmarillion
Forma artística	colección de obras literarias
Xénero artístico	fantasía e mitopoeia
Linguas lingua inglesa
Autoría
Autor/a	J. R. R. Tolkien
Temática
Tema principal	legendarium de Tolkien
Ambientado en	Arda
Universo ficticio	legendarium de Tolkien
Personaxes  Sauron  Tuor  Eru Ilúvatar  Melkor  Voronwë
Publicación
Data publicación	15 de setembro de 1977
País orixe	Reino Unido
Editor/a	Christopher Tolkien
Cronoloxía
← O Señor dos Aneis Contos inconclusos de Númenor e a Terra Media →
Premios
Premios (1978)  Premio Locus á mellor novela de fantasía  top 100 de libros de ciencia ficción e fantasía da National Public Radio
Edicións
Edicións  The Silmarillion  The Silmarillion
Identificadores
Goodreads	4733799
Open Library	OL27514W e OL27495W
Composto por
Composto por  Quenta Silmarillion  Valaquenta  Ainulindalë  Akallabêth  Of the Rings of Power and the Third Age
Contacto
Redes
[ Wikidata ]

Datos

O Silmarillion narra as orixes de Arda (o mundo do universo de Tolkien) a través do relato das Crónicas da Primeira Idade ou Días Antigos. A esta antiga historia, na que participaron Elrond e Galadriel, entre outros, fan referencia os personaxes d'O Señor dos Aneis

O Silmarillion abarca un período cronolóxico moi extenso, dende a creación do mundo grazas á Música dos Ainur, ata o tránsito dos Portadores dos Aneis nos portos de Mithlond, á fin da Terceira Idade.

Obras curtas

Esta obra inmensa comprende non só o Quenta Silmarillion ou Silmarillion propiamente dito, senón tamén outras catro obras máis curtas:

• O Ainulindalë, que narra a creación do mundo a través da Música dos Ainur.
• O Valaquenta ou historia dos Maiar e dos Valar, segundo o saber dos Eldar (Elfos).
• O Akallabêth, que narra a caída de Númenor.
• E, finalmente, Dos Aneis do Poder e a Terceira Idade, que, a modo de epílogo, nos conta a fin da Terceira Idade.