Epílogo
Epílogo (do grego epílogos - conclusión, polo latín epilogus) é unha parte dun texto, ao final dunha obra literaria ou dramática, que constitúe a súa conclusión ou remate.[1] Xeralmente emprégase para dar a coñecer o desenlace dos acontecementos relatados, o destino final dos personaxes da historia ou, en disertacións, as conclusións finais dun conxunto de ideas presentadas ou defendidas.[2] É o oposto do prólogo no discurso, podendo asumir a forma dun apéndice.
Xeralmente feito polo autor da obra, tamén pode ser proferido por un personaxe principal ou por un personaxe observador dos eventos relatados. O discurso é frecuentemente dirixido directamente ao lector ou espectador.
No teatro da antigüidade clásica e no século XVI, o epílogo consistía só nun discurso breve feito por un actor, tras o peche da acción principal. Tiña a función dunha humilde despedida do público, a quen se suplicaba benevolencia en relación aos eventuais defectos do espectáculo.[1][2] Luís de Camões usou este recurso na súa epopea Os Lusíadas.
No cinema e na televisión, ás veces exhíbese unha montaxe de imaxes ou curtos separados do filme cunha rápida explicación do destino dos personaxes, como por exemplo na longametraxe británica Catro vodas e un funeral.
Debido a esta función de peche dunha mensaxe, a palabra epílogo tamén pasou a designar, en ocasións en sentido figurado, un final, remate ou peche de calquera tipo[3] (de proceso legal, acción política, fin dunha vida etc.).
Notas
editar- ↑ 1,0 1,1 "epílogo" no Dicionário de termos literários, p.159, por Massaud Moisés, 11.ª ed., Editora Cultrix, 2002, 520 p. ISBN 8531601304 e ISBN 9788531601309.
- ↑ 2,0 2,1 "epílogo" no E-Dicionário de Termos Literários Arquivado 26 de xullo de 2014 en Wayback Machine. (en portugués).
- ↑ Definición de "epílogo" no Dicionário Priberam da Língua Portuguesa (en portugués)
Véxase tamén
editarLigazóns externas
editar- Definicións no Dicionario da Real Academia Galega e no Portal das Palabras para Epílogo.