Sidegasa
Coordenadas: 43°9′12.17″N 8°1′18.01″O / 43.1533806, -8.0216694
Sidegasa (Siderurgia de Galicia, S.A.) foi unha empresa siderúrxica galega con sede en Teixeiro (Curtis).
Sidegasa | |
---|---|
![]() Vista aérea de Sidegasa en outubro de 1985 | |
Fundación | 1979 (pechada en 1988) |
Localización | Teixeiro |
Persoas clave | Miguel Salís Balzola (nomeado presidente en 1975) |
Industria | Metal |
Número de empregados | 500 |
[ editar datos en Wikidata ] |
Adicada á recuperación de chatarra principalmente de importación por mar, vía porto da Coruña. Mediante forno eléctrico para a produción de aceiro en bruto e produtos laminados. A empresa foi fundada en 1979 como un proxecto de industrialización para o rural galego. Pechou en agosto de 1988.
Historia
editarA fundición foi construída por Emesa nunha superficie de 400 mil metros cadrados nunha parcela de 2,5 millóns de metros cadrados. Os terreos que agora ocupa o Polígono industrial Curtis-Teixeiro.[1] En 1978 foi construída unha liña eléctrica dende a subestación das Travesas no Mesón do Vento ata Teixeiro para Sidegasa[2] A subestación eléctrica do polígono de Curtis-Teixerio chámase dende entón Sidegasa.
En 1981 Sidegasa suspendeu pagamentos, e entrada na CE supuxo a reconversión da empresa que non podía recibir subvencións.[3] Despois de sete meses de folga e protestas o 17 de agosto de 1987 os traballadores entran no aeroporto de Alvedro impedindo que engalase o avión de Alfonso Guerra (entón vicepresidente do goberno).[4] En agosto de 1988 as instalacións foron vendidas á siderúrxica catalá Celsa que a despezaría para vender a maquinaria. Durante dous anos saíu polo porto da Coruña a maquinaria. O tren de laminación foi para Torras en Cataluña. A maquinaria de fundición foi mercada por Lion Group e mandouse para Johor Bahru, Malaisia.[5]
Notas
editar- ↑ "Emesa resucita el fantasma de Sidegasa". La Opinión de A Coruña. 2 de outubro de 2011.
- ↑ Real Decreto 1728/1978, de 2 de junio, por el que se otorgan los beneficios de expropiación forzosa y urgente ocupación de bienes y derechos al objeto de imponer la servidumbre de paso para construir una línea eléctrica que enlazará las subestaciones tranformadoras «Mesón do Vento», de FENOSA, y la de la Factoría de SIDEGASA, en construcción en el lugar de Teixeiro, del Ayuntamiento de Curtis (La Coruña), por la Empresa «Siderúrgica de Galicia, S. A.» (SIDEGASA).
- ↑ "El comité de empresa de Añón teme que Celsa cierre la planta como hizo con Sidegasa en 1988". La Voz de Galicia. 16 de maio de 2007.
- ↑ Televisión de Galicia (17 de agosto de 1987). "Traballadores de Sidegasa zarandean o coche de Alfonso Guerra no aeroporto de Alvedro". Pasou o que pasou.
- ↑ "Sidegasa resucita en Malasia". El País. 1 de marzo de 2009.