Servílio de Jesus
Servílio de Jesus, máis coñecido como Servílio, nado en São Félix, Baía, o 15 de febreiro de 1915 e finado en São Paulo o 10 de abril de 1984, foi un futbolista brasileiro que xogaba de centrocampista e dianteiro.[1]
| Servílio | |||
|---|---|---|---|
| Información persoal | |||
| Nome | Servílio de Jesus | ||
| Nacemento | 15 de abril de 1915 | ||
| Lugar de nacemento | São Félix | ||
| Falecemento | 10 de abril de 1984 | ||
| Lugar de falecemento | São Paulo | ||
| Posición | Centrocampista | ||
| Carreira sénior | |||
| Anos | Equipos | Aprs | (Gls) |
| ¿?–1934 | Galícia | ||
| 1935–1937 | Bahia | ||
| 1937–1938 | Galícia | ||
| 1938–1949 | Corinthians | 364 | (200) |
| 1950–¿? | Ypiranga (SP) | ||
| Selección nacional | |||
| 1942–1945 | Brasil | 5 | (1) |
|
Partidos e goles só en liga doméstica. [ editar datos en Wikidata ] | |||
Traxectoria editar
Tras xogar no Galícia acabado de fundar marchou ao Bahía en 1935, pero volveu dous anos despois. Co Galícia proclamouse en 1937 campión baiano, o primeiro título do club.[2]
Foi descuberto polo Corinthians en 1938, nunha excursión do club paulista ao estado de Baía. Incorporouse entón ao equipo paulista e adaptouse rapidamente, converténdose no principal armador do xogo xunto a Teleco, a grande estrela do equipo.[1] Militiou no Corinthians máis dunha década, converténdose nun ídolo para a afección, que o alcumou "O Bailarino da Fazendinha".[1] Marcou 200 goles coa camiseta do Corinthians, sendo un dos maiores goleadores da historia do club, e gañou tres veces o Campionato Paulista, 1938, 1939 e 1941.[3] Foi ademais o máximo goleador do campionato nos anos 1945, 1946 e 1947.[3]
Pechou a súa carreira xogando no Ypiranga de São Paulo.
Foi pai do ex-dianteiro Servílio de Jesus Filho, que destacou no Portuguesa e no Palmeiras.
Selección brasileira editar
Foi internacional coa selección brasileira en sete ocasións. Debutou o 14 de xaneiro de 1942 fronte a Chile no Estadio Centenario, nun partido do Campionato Suramericano que acabou con vitoria por 6-1 para Brasil. Marcou o seu único gol coa canarinha tres días despois no mesmo estadio, na derrota fronte á Arxentina por 2-1. Disputou tamén o Campionato Suramericano de 1945 no que Brasil rematou subcampión.[4]
Notas editar
- ↑ 1,0 1,1 1,2 Revelles, Rogério. "Que fim levou? SERVÍLIO... Ex-meia do Corinthians". terceirotempo.uol.com.br (en portugués). Consultado o 15 de marzo de 2021.
- ↑ "Campionato Baiano 1937". futebolnacional.com.br (en portugués). Consultado o 15 de marzo de 2021.
- ↑ 3,0 3,1 "Há 34 anos nos despedíamos de Servílio, ex-jogador do Timão" (en portugués). 10 de abril de 2020. Consultado o 15 de marzo de 2021.
- ↑ "Seleção Brasileira (Brazilian National Team) 1939-1946". rsssfbrasil.com (en portugués). Consultado o 16 de marzo de 2021.
Véxase tamén editar
Ligazóns externas editar
- Servílio na web da Confederación Brasileira de Fútbol (en portugués)