Sergei Esenin

Sergei Alexandrovich Esenin (en ruso Серге́й Алекса́ндрович Есе́нин), nado en Konstantinovo (Riazan) o 3 de outubro de 1895 e finado en Leningrado o 27 de decembro de 1925, foi un poeta ruso, expoñente do imaxinismo ruso e un dos máis populares e coñecidos do século XX a pesar de morrer novo, suicidándose aos 30 anos.

Sergei Esenin
Nacemento	21 de setembro de 1895
Lugar de nacemento	Konstantinovo
Falecemento	28 de decembro de 1925
Lugar de falecemento	San Petersburgo
Causa	enforcamento
Soterrado	Vagankovo Cemetery
Nacionalidade	Imperio Ruso, República Russa, República Socialista Soviética Federativa de Rusia e Unión Soviética
Alma máter	Universidade Estatal de Moscova
Ocupación	poeta e escritor
Cónxuxe	Sinaida Nikolajewna Reich, Isadora Duncan, Sofya Yesenina-Tolstaya e Anna Izryadnov
Fillos	Tatyana Yesenina, Alexander Esenin-Volpin e Konstantin Yesenin
Na rede
http://www.esenin.ru
[ editar datos en Wikidata ]

Traxectoria

Primeiros anos

Yesenin e Isadora Duncan (1922)

Esenin procedía dunha familia de labregos de disidentes relixiosos (vellos crentes) e foron os seus avós maternos os que o educaron. En 1912 mudouse a Moscova traballando como corrector de probas nunha imprenta, ao ano seguinte matriculouse na Universidade Estatal de Moscova como estudante externo e alí estudou durante ano e medio; a poesía desa época baséase no folcloreruso. En 1915 estaba en San Petersburgo, onde fixo amizade cos poetas Alexander Blok, Sergei Gorodetski, Nikolai Kliuev e Andrei Beli e comezou a se facer coñecido nos círculos literarios, especialmente Blok axudou a promover a carreira de Esenin como poeta.

Carreira

En 1916 Esenin publicou o seu primeiro libro de poemas,Radunitsa. Os seus poemas sobre o amor e a vida simple convertérono nun dos poetas máis populares da época, presentándose a si mesmo como un simple campesiño que clamaba pola volta á vida das aldeas e contra os perigos da industrialización. A finais dese ano 1916 volveu a San Petersburbo, con Klyuev. Durante un breve tempo apoiou a Revolución Rusa o que queda ben reflectido na súa obra Inonia, pero ao pouco desilusionouse, criticando aos bolxeviques. En setembro de 1918, Esenin fundou a súa propia editorial. En outono de 1921, mentres visitaba o estudo do pintor Georgi Yakulov, coñeceu a Isadora Duncan, a pesar de ela non saber ruso e el descoñecer calquera outra lingua casaron o 2 de maio de 1922, acompañando á que era unha auténtica celebridade mundial na época na súa xira por Europa e os Estados Unidos, pero o seu alcoholismo fixo que perdera o control numerosas veces, o que recibiu moita publicidade na prensa internacional da época. Para maio de 1923, o matrimonio rematara e el estaba de volta en Moscova.

Últimos anos

Os dous últimos anos da vida de Esenin estiveron marcados pola bebida e a conduta errática, mais tamén creou algúns dos seus máis famosos poemas como Moskva kabatskaya. Pouco antes de morrer sufriu unha crise nerviosa que o tivo hospitalizado durante un mes, dous días despois de deixar o centro sanitario, cortou o pulso e co seu propio sangue escribiu un poema, e xa ao día seguinte colgouse no cuarto que ocupaba no Hotel Angleterre.

Véxase tamén

Ligazóns externas

• Yesenin. Collection of Poems. Bilingual Version (en ruso) (en inglés)