Río Segre

O río Segre é un curso fluvial, afluente do río Ebro pola súa beira esquerda, que desde o nacemento até a desembocadura, logo de 265 km de curso, atravesa territorios de dous países: Francia e España.

Río Segre
País	Francia, España
Nacemento	Pico do Segre
Lonxitude	265 km
Conca	22.579 km²
Caudal medio	100,2 m³/s
Desembocadura	Río Ebro
Curso e bacía do Segre.

O Segre ao paso por Lleida

Gráfica do réxime do Segre, na estación da Seu d'Urgell.

Percorrido

O sentido xeral do curso do Segre é de NL-SO. O Segre nace nos Pireneos, na ladeira setentrional do Pico do Segre, no circo de la Culassa, no concello de Llo, departamento dos Pireneos Orientais, Francia, dentro da comarca que os cataláns denominan Alta Cerdaña. Logo de apenas 20 km de curso penetra en territorio catalán, preto de Puigcerdà, na provincia de Xirona, para entrar logo na de Lleida, por onde transcorre a maior parte do seu percorrido, excepto uns poucos quilómetros, nos que entra en territorio administrativo aragonés (Zaragoza). Verte as súas augas no Ebro na localidade de Mequinenza, dentro da franxa de fala catalá de Aragón.

Réxime hídrico

O réxime do Segre é de tipo nivo-pluvial (ver figura), con máximos de caudal nos meses primaverais a consecuencia do desxeo das masas xeadas e neves acumuladas nas alturas dos Pireneos principalmente, ás que hai que engadir as dos seus principais afluentes.

Afluentes principais

Desde o nacemento até a desembocadura os tributarios principais son:

Pola dereita: Aravó Durán río de la Llosa Arànser Bescarán Valira Castellbó río de la Guàrdia Cabó Rialb Boix Noguera Pallaresa Farfanya Noguer Ribagorzana Cinca, o máis importante

Pola esquerda: río de Lavansa Ribera Salada Llobregós Sió Corb río de Set

Poboacións nas ribeiras

Destacan as seguintes poboacións situadas nas súas beiras: Puigcerdà, La Seu d'Urgell, Balaguer, Lleida, Aitona, Seròs e Mequinensa

Economía

Nas augas do Segre érguense os encoros de Oliana, Rialb e Sant Llorenç de Montgai.

Do seu leito saen diversas canles e regos: a canle de Urgell, cos seus diversos ramais; a canle de Balaguer; a canle de Seròs, a canle de Aragón e Cataluña etc.