Scott Walker (cantante)
Noel Scott Engel (9 de xaneiro de 1943 - 22 de marzo de 2019),[1] coñecido polo nome artístico de Scott Walker, foi un cantautor, compositor e produtor musical anglo-estadounidense que residía en Inglaterra. Walker foi coñecido pola súa emotiva voz barítona e o seu estilo pouco ortodoxo que o levou de ser unha sofisticada icona do pop adolescente nos anos 60 a un músico de vangarda no século XXI.[2][3] O éxito de Walker produciuse principalmente no Reino Unido, onde os seus primeiros catro álbums en solitario chegaron ao top 10. Viviu nese país dende 1965 e converteuse en cidadán británico en 1970.[4]
  | |
| Biografía | |
|---|---|
| Nacemento | (en) Noel Scott Engel 9 de xaneiro de 1943 Hamilton, Estados Unidos de América (pt)  |
| Morte | 22 de marzo de 2019 (76 anos) Londres, Reino Unido |
| Causa da morte | Morte natural (Cancro ) |
| Datos persoais | |
| País de nacionalidade | Reino Unido (1970–) Estados Unidos de América |
| Actividade | |
| Campo de traballo | Música rock, pop rock e Música country |
| Ocupación | cantautor , compositor , guitarrista , cantante , produtor musical , músico |
| Período de actividade | 1958 - |
| Xénero artístico | Música pop, música rock, Música experimental e Música country |
| Lingua | Lingua inglesa |
| Tesitura | Barítono |
| Instrumento | Guitarra e voz |
| Selo discográfico | 4AD Drag City Challenge Philips |
| Páxina web | 4ad.com… |
            | |
Saltando á fama a mediados dos 60 como líder do trío de pop The Walker Brothers, comezou unha carreira en solitario co álbum de 1967 Scott, avanzando cara a un estilo caza vez máis desafiante en álbums de baroque pop de finais dos 60 como Scott 3 e Scott 4 (ámbolos dous de 1969).[5][6] Despois de que as vendas dos seus traballos en solitario comezasen a baixar, reuniuse con The Walker Brothers a mediados dos 70.[2][3] Dende mediados dos 80 Walker reviviu a súa carreira en solitario movéndose cara a unha dirección cada vez máis vangardista;[6][7][8] deste período da súa carreira The Guardian dixo "imaxina a Andy Williams reinventándose como Stockhausen".[3] As gravacións dos 60 de Walker foron moi apreciadas pola escena musical underground británica dos 80.
Walker continuou gravando ata 2018. Foi descrito pola BBC tras a súa morte como "un das figuras máis enigmáticas e influíntes na historia do rock".[9]
Notas editar
- ↑ "Scott Walker Dead at 76". Pitchfork (en inglés). 2019-03-25. Consultado o 2022-06-21.
- ↑ 2,0 2,1 Harrison, Ian (2013). "Splendid Isolation". Mojo. ISSN 1351-0193.
- ↑ 3,0 3,1 3,2 "Scott Walker: 'I was an intense young guy. I think I did temporarily go crazy'". the Guardian (en inglés). 2012-11-23. Consultado o 2022-06-21.
- ↑ "Scott Walker - The Collection 1967-1970". UNCUT (en inglés). 2013-07-11. Consultado o 2022-06-21.
- ↑ "Scott Walker: 'Til the Band Comes In". Pitchfork (en inglés). Consultado o 2022-06-22.
- ↑ 6,0 6,1 "Top 100 Albums of the 1990s". Pitchfork (en inglés). Consultado o 2022-06-22.
- ↑ "190778-counterbalance-scott-walkers-scott-4, PopMatters". PopMatters (en inglés). 2021-01-26. Consultado o 2022-06-22.
- ↑ Shafer, Cody Ray. "Scott Walker and Sunn O))) Working On Album". www.undertheradarmag.com (en inglés). Consultado o 2022-06-22.
- ↑ "Scott Walker, influential rock enigma, dies aged 76". BBC News (en inglés). 2019-03-25. Consultado o 2022-06-21.