San Miguel de Sarandón, Vedra
San Miguel de Sarandón é unha parroquia que se localiza no sur do concello de Vedra. Segundo o IGE en 2010 tiña 357 habitantes (174 mulleres e 183 homes) distribuídos en 11 entidades de poboación, o que supón unha diminución en relación ao ano 1999 cando tiña 387 habitantes. Linda coas parroquias San Mamede de Ribadulla, San Cristovo, San Pedro de Sarandón e Santa Eulalia de Vedra e no sur con Río Ulla. Está formado por once aldeas: Canicova, A Casanova, Casansula, Caxaraville, Cimadevila, Dozar, A Pedreira, Sarandón, A Silva de Abaixo, A Silva de Arriba e Ximonde.
| San Miguel de Sarandón | |
|---|---|
 Pazo de Ximonde. | |
| Concello | Vedra[1] |
| Provincia | A Coruña |
| Coordenadas | 42°45′20″N 8°27′21″O / 42.75555556, -8.45583333Coordenadas: 42°45′20″N 8°27′21″O / 42.75555556, -8.45583333 |
| Poboación | 357 hab. (2019) |
| Entidades de poboación | 11[1] |
| [ editar datos en Wikidata ] | |
Na aldea de Ximonde atópase o couto de pesca, importante couto salmoneiro.[2]
Patrimonio editar
- Pazo de Ximonde. De finais do século XVIII, é un edificio en forma en escuadra que se desenvolve cara á súa parte posterior. Polo menos unha parte da zona posterior debe corresponder ao último terzo do século XVI, momento en que cabe encadrar o escudo. Aos lados da portada corren sartas de froitos que vinculan a obra con Compostela. No que foi o patio interior, pódese admirar a fachada barroca en figura de "L", un fermoso soportal e a solaina do primeiro piso. No patio hai dúas fontes, unha delas encaixada no edificio. Destaca na fachada o escudo cos brasóns dos Cisneros.
En 1776 Carlos III de España concedeu o Condado de Ximonde a Xoán Antón Cisneros de Castro e da Barrera (1747-1798), rexedor da cidade de Santiago de Compostela e señor do Couto de Ximonde.
Festexos editar
Na parroquia de San Miguel celébranse anualmente tres festas.
- Festa do viño da Ulla[3], festa popular onde se exaltan os viños da zona da Ulla, recollidos na subzona da denominación de orixe Rias Baixas. Celébrase o segundo domingo do mes de abril.
- Festa do San Campio, festas patronais en honor a San Campio e San Antonio. Sempre se celebra os días 9, 10 e 11 de agosto.
- Festa do San Migueliño, festas patronais en honor a San Miguel, que se celebra no mes de setembro.
Deportes editar
A parroquia de Sarandón é un dos lugares por onde transcorre dende hai anos un dos treitos do Rally Botafumeiro[4], proba de rally que se disputa anualmente e que forma parte do calendario do Campionato de Galicia de Rally.
Lugares e parroquias editar
Lugares de San Miguel de Sarandón editar
| Lugares da parroquia de San Miguel de Sarandón no concello de Vedra (A Coruña) | |
|---|---|
|
Canicova | A Casanova | Casansula | Caxaraville | Cimadevila | Dozar | A Pedreira | Sarandón | A Silva de Abaixo | A Silva de Arriba | Ximonde |
Parroquias de Vedra editar
Notas editar
- ↑ 1,0 1,1 DECRETO 189/2003, do 6 de febreiro, polo que se aproba o nomenclátor correspondente ás entidades de poboación da provincia da Coruña.
- ↑ Ximonde Coto de pesca
- ↑ "Sitio web da Festa do viño". Arquivado dende o orixinal o 01 de agosto de 2015. Consultado o 20 de decembro de 2011.
- ↑ "XXI Rally Botafumeiro". Arquivado dende o orixinal o 14 de xaneiro de 2012. Consultado o 20 de decembro de 2011.
Véxase tamén editar
| Commons ten máis contidos multimedia sobre: San Miguel de Sarandón, Vedra |