San Lourenzo de Siabal, Paderne de Allariz

San Lourenzo de Siabal é unha parroquia do concello ourensán de Paderne de Allariz na comarca de Allariz - Maceda. No ano 2007 tiña 289 habitantes (145 homes e 144 mulleres) distribuídos en 9 entidades de poboación, o que supón un aumento de 6 habitantes en relación ao ano 2000.

San Lourenzo de Siabal
Concello	Paderne de Allariz
Provincia	Ourense
Coordenadas	42°16′59″N 7°45′21″O
Poboación	240 hab. (2019)
Entidades de poboación	9
[ editar datos en Wikidata ]

No ano 2019 ten 237 habitantes.

Patrimonio arquitectónico

Nesta zona hai moitos elementos de interese: a igrexa de San Lourenzo, a capela da Vacariza, a capela de Siabal, o cruceiro de Siabal e o conxunto de cabaceiros do pobo de Siabal.

A igrexa de San Lourenzo é un templo barroco do século XVIII, destaca pola súa magnífica torre de campás que loce na traseira da súa fachada e vese dende case todos os puntos do concello. Está construída sobre unha igrexa anterior de arquitectura románica. Está dedicada a San Lourenzo, como o nome da parroquia, e a festa celébrase o 10 de agosto, que é o día do santo.

A Vacariza destaca pola súa capela que está dedicada a San Pablo, a súa festa celébrase o 6 de xaneiro.

A capela de Siabal está dedicada á Virxe dos Remedios, e a súa festa celébrase o 8 de setembro. Nesta vila pódese apreciar un precioso conxunto de cabaceiros no centro do pobo nos que antigamente gardaban o millo para secar. Ademais tamén conta cun cruceiro de data indefinida e composto por unha base a modo de peaña e unha columna que suxeita a cruz.

Ermide, debido a que non ten capela, non ten santo e a festa celebrábana na honra de San Antonio, aínda que non o día dese santo, senón o primeiro domingo do mes de maio. Hoxe en día xa non celebran a festa.

Lugares e parroquias

Véxase tamén

Outros artigos

• Lugares de Paderne de Allariz