Saman Atala
Saman Atala[1][2] (en árabe: سمعان عطا الله), nado no Líbano o 10 de xaneiro de 1937, é un bispo e relixioso católico maronita, entre 2005 e 2015 bispo de Balbik - Dair al-Ahmar.
| سمعان عطا الله (Saman Atala) | |
|---|---|
| Bispo da Igrexa Católica Maronita | |
| Biografía | |
| Nacemento | 10 de xaneiro de 1937 en Líbano |
| Ordes | |
| Ordenación sacerdotal | 8 de decembro de 1963 |
| Consagración episcopal | 11 de febreiro de 2006, por Nasrala Pedro Sufair |
| Bispo de Balbik - Dair al-Ahmar | |
| 2005 - 2015 | |
| Predecesor | Bulus Munxid al-Haxim |
| Sucesor | Hana Rahma |
| Outros | |
| Ficha en catholic-hierarchy.org | |
Traxectoria Editar
Entrou na orde dos antonianos o 31 de outubro de 1951, facendo os votos solemnes o 1 de novembro de 1959. Marchou a estudar Teoloxía ao Pontificio Ateneo de Santo Anselmo de Roma, e posteriormente continuou os seus estudos de Liturxia no Pontificio Instituto Oriental. O 8 de decembro de 1963 foi ordenado sacerdote da orde.
O Sínodo da Igrexa maronita reunido do 18 ao 24 de setembro de 2005 elixiuno bispo de Balbik - Dair al-Ahmar. O papa Bieito XVI deu a súa aprobación o 28 de decembro de 2005. Foi consagrado bispo polo patriarca Nasrala Pedro Sufair o 11 de febreiro de 2006. Permaneceu no cargo até que se retirou como emérito o 14 de marzo de 2015.