Ruiloba

Ruiloba é un concello situado na comunidade autónoma de Cantabria (España), na comarca da Costa Occidental e partido xudicial de San Vicente de la Barquera. Ten pouca superficie, 15,13 quilómetros cadrados. O seu nome provén de río da Loba, o que delata unha orixe fluvial (v. hidrónimo en toponimia), frecuente en Cantabria. No seu escudo pódese ollar a figura dun lobo.

Ruiloba

Localización
43°22′54″N 4°15′03″O
Estado	España
Comunidade autónoma	Cantabria
Poboación
Poboación	759 (2022) (50,6 hab./km²)
Xeografía
Parte de	Mancomunidade de Servizos Costa Occidental
Superficie	15 km²
Bañado por	Mar Cantábrico
Altitude	35 m
Comparte fronteira con	Comillas Alfoz de Lloredo
Organización política
• Alcalde	Gabriel Bueno Fernandez (en)
Identificador descritivo
Código postal	39527
Fuso horario	UTC+01:00
Código INE	39068
Sitio web	aytoruiloba.es

Limita polo norte co mar Cantábrico, polo oeste co municipio de Comillas e polo sur e leste co de Alfoz de Lloredo.

Localidades

• Casasola.
• Concha.
• La Iglesia (Capital).
• Liandres.
• Pando.
• Ruilobuca.
• Sierra.
• Trasierra.

Economía

Actualmente, a actividade económica que emprega practicamente á metade da poboación activa é o sector terciario, movido sobre todo polo turismo, que se beneficia da atracción dos concellos próximos como Santillana del Mar ou Comillas. Con todo, tamén se desenvolven actividades tradicionais como a agropecuaria ou a olería, en talleres do barrio de La Iglesia.

Demografía

Evolución demográfica del municipio (1900-2006)

1900	1910	1920	1930	1940	1950	1960	1970	1981	1991	2000	2006
1.007	1.109	1.216	1.108	1.002	1.023	936	898	761	731	721	762

Fonte: INE

Administración

Eleccións municipais, 25 de maio de 2003 Partido Votos % Concelleiros PSOE 281 51,28 % 4 PP 137 25 % 2 PRC 121 22,08 % 1 Alcalde electo: Gregorio Escalante Barreda (PSC-PSOE).

Eleccións municipais, 27 de maio de 2007 Partido Votos % Concelleiros PSOE 221 39,53 % 3 PRC 144 25,76 % 2 PP 118 21,11 % 2 Alcalde electo: Martín Remón Jaúregui (PRC).

Patrimonio

Casa do Concello, no barrio de La Iglesia, capital municipal.

Torre da Igrexa da Asunción.

Non existe neste municipio ningún Ben declarado de Interese Cultural. Poden, non obstante, mencionarse diversos puntos de interese:

• Cova de El Portillo I, sitio prehistórico en Casasola, con arte rupestre paleolítica.
• Igrexa da Asunción, en La Iglesia, construída no século XVII en estilo barroco e reformada a finais do século XIX.
• Convento de San Xosé, cerca de Pando, pertencente ás Carmelitas Descalzas. É un edificio barroco do século XVIII.
• Ermida da Nosa Señora dos Remedios, en Liandres, localizada nun outeiro na beiramar. É de finais do século XIX.
• Casa dos Reis, en Liandres, barroca.
• Casa e torre de Trasierra.

En varias aldeas do municipio, como Casasola, Concha ou Pando, poden verse interesantes conxuntos de arquitectura popular propia das Asturias de Santillana, caracterizada por casas en ringleira, con balcóns corridos desde un hastial ata outro, con cantería e cachotería.

Natureza

Praia de Luaña, entre Cóbreces en Alfoz de Lloredo, e Ruiloba. O arroio da Conchuga, ao fondo, marca o límite; o acantilado que se ve é territorio de Ruiloba.

Ruiloba é un municipio costeiro que linda co mar Cantábrico polo norte. Tres puntas destacan na liña costeira: Miradorio, Las Cornejas e Ruiloba. Ao leste de Miradorio atópase a enseada de Fonfría, onde existe unha piscifactoría. Varios regatos percorren Ruiloba, entre eles o chamado de La Conchuga, que delimita o concello polo leste separándoo de Alfoz de Lloredo, e que desemboca na praia de Luaña, compartida por ambos municipios (aínda que pertence na súa maior parte a Alfoz de Lloredo).

Esta situación permite que se practique a pesca a nivel afeccionado, o marisqueo e a recollida de algas.

No sur o terreo elévase un pouco, alcanzando os 303,6 metros no monte Cotalvio.

É zona de prado, con bosques de eucalipto e piñeiro para a súa explotación industrial. En lugares illados albíscanse carballos ou aciñeiras. Hai árbores destacadas na leira «La Castañera» de La Iglesia (unha aciñeira e un teixo) e na leira «La Casa de San Pedro» de Liandres (outra aciñeira).

Festas

• 2 de xullo, Virxe dos Remedios, en Liandres e La Iglesia. Hai unha procesión desde a ermida da Virxe, cerca de Liandres, até a Igrexa. Realízase a "Danza de las lanzas", a manifestación folclórica máis destacada de Ruiloba. Considérase unha danza moi antiga, con orixe no século XVI.
• 9 de setembro, Nosa Señora da Caridade. Durante esta festividade, celébrase a festa do "Mozuco" e unha peregrinación até a ermida da Caridade en Udías.