Wikipedia

Robert Jarvik

Robert Koffler Jarvik, nado en Midland (Míchigan) o 11 de maio de 1946 é un científico estadounidense, investigador e empresario coñecido polo seu papel no desenvolvemento no corazón artificial Jarvik-7.

Infotaula de personaRobert Jarvik
Biografía
Nacemento11 de maio de 1946 Editar o valor em Wikidata (77 anos)
Midland, Estados Unidos de América Editar o valor em Wikidata
Datos persoais
País de nacionalidadeEstados Unidos de América Editar o valor em Wikidata
EducaciónUniversidade de Syracuse
Instituto Politécnico da Universidade de Nova Iorque (pt) Traducir
Universidade de Nova York
University of Utah School of Medicine (en) Traducir Editar o valor em Wikidata
Actividade
Ocupacióninventor , cardiólogo Editar o valor em Wikidata
LinguaLingua inglesa Editar o valor em Wikidata
Familia
CónxuxeMarilyn vos Savant (1987–) Editar o valor em Wikidata
Páxina webjarvikheart.com… Editar o valor em Wikidata

Traxectoria editar

Primeiros anos editar

Robert Jarvik naceu en Midland, Míchigan, fillo de Norman Eugene Jarvik e Edythe Koffler Jarvik, e creceu en Stamford, Connecticut.[1] É sobriño de Murray Jarvik, farmacólogo, que foi o coinventor do parche de nicotina.[2][3]

Jarvik é graduado da Universidade de Syracuse. Obtivo un grao de mestrado en enxeñaría biomédica pola Universidade de Nova York.[4]

Tras ser admitido na escola de medicina da Universidade de Utah, Jarvik completou dous anos de estudo, e en 1971 foi contratado por Willem Johan Kolff, médico inventor neerlandés na mesma universidade,[4] que produciu a primeira máquina de diálese, e que estaba a traballar noutros órganos artificiais, incluído un corazón. Jarvik obtivo o doutoramento en medicina en 1976 pola universidade de Utah. Como científico médico, non completou un internado nin unha residencia e nunca se licenciou na práctica médica.[5][6]

Carreira editar

Jarvik uniuse ao programa de órganos artificiais da Universidade de Utah en 1971, entón dirixido polo seu mentor Willem Johan Kolff. Nese tempo, o programa empregaba un corazón artificial pneumático deseñado por Clifford Kwan-Gett que sustentara un animal no laboratorio durante dez anos. Kolff asignou a Jarvik para que deseñase un novo corazón que superase os problemas do corazón de Kwan-Gett, que finalmente culminou co Jarvik-7.[7]

En 1982, o equipo levou a cabo un implante de corazón artificial, o segundo da historia, trece anos despois de que Domingo Liotta e Denton Cooley realizasen o primeiro en 1969.[8] William DeVries implantou en primeiro lugar o Jarvik-7 no dentista xubilado Barney Clark na Universidade de Utah o 2 de decembro de 1982. Clark requiriu visitas frecuentes ao hospital os seguintes 112 días, tralo que faleceu. Durante as frecuentes conferencias de prensa para actualizar a situación do paciente, con DeVries, informou o mundo da condición de Clark. Os seguintes varios implantes do corazón de Jarvik-7 foron dirixidas por Humana, unha gran compañía de seguros de saúde. O segundo paciente, William J. Schroeder, sobreviviu 620 días.[9]

En 2006, Jarvik comezou a aparecer en anuncios televisivos para o medicamento para o colesterol Lipitor de Pfizer. Dous membros do congreso, como parte dunha campaña contra a promoción por medio de famosos, comezaron unha investigación sobre se os anuncios na televisión constituían consellos médicos dados sen licenza da práctica de medicina. Un anuncio mostraba a Jarvik remando, mais debido aos seguros e outras consideracións, el non remaba, senón que se empregou un dobre de corpo.[10] Máis tarde, Jarvik dixo que non tomara Lipitor ata que se converteu en voceiro da compañía.[11] O 25 de febreiro de 2008, Pfizer anunciou que ía eliminar os seus anuncios con Jarvik.[12]

Vida persoal editar

Jarvik está casado coa columnista da revista Parade Marilyn vos Savant dende o 23 de agosto de 1987.[13] En contra dalgunhas fontes,[14] Jarvik non é mormón.[15]

Notas editar

  1. ↑ "Men in the News: A Pair of Skilled Hands to Guide an Artificial Heart: Robert Kiffler Jarvik". Artigo en The New York Times, 3 de decembro de 1982. Consultado de [1] o 23 de xuño de 2006.
  2. ↑ Maugh II, Thomas (14 de maio de 2008). "Dr. Murray E. Jarvik, 84; UCLA pharmacologist invented nicotine patch". Los Angeles Times. Consultado o 26 de maio de 2008. 
  3. ↑ "Dr. Murray Jarvik, co-inventor of nicotine patch, dies at 84 in Santa Monica". Associated Press (International Herald Tribune). 10 de maio de 2008. Consultado o 26 de maio de 2008. 
  4. ↑ 4,0 4,1 "Milestones". Rime Magazine, 2 de marzo de 2009 páx.18
  5. ↑ "Men in the News: A Pair of Skilled Hands to Guide an Artificial Heart: Robert Kiffler Jarvik". Artigo en The New York Times, 3 de decembro de 1982. Consultado de [2] o 27 de maio de 2007.
  6. ↑ "Is this celebrity doctor's TV ad right for you?". Artigo en NBC News, 1 de marzo de 2007. Consultado de [3] Arquivado 26 de xuño de 2020 en Wayback Machine. o 27 de maio de 2007.
  7. ↑ "Archived copy". Arquivado dende o orixinal o 28 de novembro de 2010. Consultado o 14 de xuño de 2010.  Great Lives from History: Inventors and Inventions - Robert Jarvik
  8. ↑ Liotta/Cooley "Orthotopic Cardiac Prosthesis for Two-Staged Cardiac Replacement," which appears in Volume 24 (1969) of the American Journal of Cardiology (páx. 723-730).
  9. ↑ Artificial Heart - Early developments
  10. ↑ "Congress questions Jarvik's credentials in celebrity ad" The State, 8 de xaneiro de 2008. http://www.thestate.com/nation/story/278107.html[Ligazón morta]
  11. ↑ American Medical Association Journal of Ethics. Outubro de 2010, Volume 12, Número 10: 818-823
  12. ↑ Bazell, Robert (1 de marzo de 2007). "Is this celebrity doctor's TV ad right for you?". NBC News. 
  13. ↑ "About Marilyn". Arquivado dende o orixinal o 07 de maio de 2006. Consultado o 3 de novembro de 2007. 
  14. ↑ Brother Paul's Mormon Bathroom Reader
  15. ↑ Skousen, Paul B.; Moon, Harold K. (1 de novembro de 2005), Brother Paul's Mormon Bathroon Reader, Cedar Fort, p. 39. Archived at Google Books. Consultado o 21 de marzo de 2016.

Bibliografía editar

  • Frazier, O H; Myers, T J; Jarvik, R K; Westaby, S; Pigott, D W; Gregoric, I D; Khan, T; Tamez, D W; Conger, J L; Macris, M P (2001). "Research and development of an implantable, axial-flow left ventricular assist device: the Jarvik 2000 Heart". Ann. Thorac. Surg. 71 (3 Suppl) (Marzo de 2001). pp. S125–32; discussion S144–6. PMID 11265847. doi:10.1016/S0003-4975(00)02614-X. 
  • Jarvik, R K; Lawson, J H; Olsen, D B; Fukumasu, H; Kolff, WJ (1978). "The beat goes on: status of the artificial heart, 1977". The International journal of artificial organs 1 (1) (xaneiro de 1978). pp. 21–7. PMID 352968. 

Ligazóns externas editar

Traído desde «https://gl.wikipedia.org/w/index.php?title=Robert_Jarvik&oldid=5859745»