Ricardo Sánchez Oroza

arquitecto e político galego

Ricardo Sánchez Oroza, nado en Buenos Aires en 1957[1] e finado na Coruña o 9 de novembro de 2019,[2] foi un arquitecto e político galego.

Ricardo Sánchez Oroza
Nacemento1957
 Buenos Aires
Falecemento9 de novembro de 2019
 A Coruña
NacionalidadeEspaña
Ocupaciónarquitecto e político
editar datos en Wikidata ]

TraxectoriaEditar

Comezou en 1973 os estudos de Aquitectura na Escola de Arquitectura da Coruña e, no curso seguite, tivo que marchar coa súa familia a Arxentina onde rematou a carreira.[3]

Máster en urbanismo e territorio[Cómpre referencia], dirixiu un estudo de arquitectura e urbanismo[Cómpre referencia]. Iniciou a súa carreira política no PSdeG, e nas eleccións municipais de 2011 foi elixido concelleiro. Despois abandonou o partido,[2] e creou unha candidatura baixo as siglas de Compromiso por Galicia.

Proxecto FadesaEditar

O proxecto dunha macrourbanización pola construtora Fadesa estivo moi presente na campaña electoral de 2015. Así, as municipais de 2015 foron as primeiras gañadas pola esquerda no concello de Miño, co PSdeG-PSOE como partido máis votado, aínda que empatado a concelleiros co PP que perdeu a maioría absoluta anterior.[4] Sánchez Oroza que encabezou a candidatura de Compromiso por Galicia e foi elixido único concelleiro de CxG co 6,81% dos votos,[5] converteuse en alcalde grazas ao voto dos seis edís do PPdeG[6]. A seguir, o 17 de xuño do 2015 o partido desvinculouse da súa candidatura[7]. O 20 de xaneiro de 2016 anunciou un pacto de goberno co PP despois de presentarse ás eleccións coa promesa de "desafiuzar ao PP do Concello".[Cómpre referencia]

Nas municipais de 2019 presentouse polo partido Xuntos por Miño[8] e non acadou representación[9].

En febreiro de 2018, foille diagnosticado un cancro.[2]


Predecesor:
Jesús Veiga Sabín
  
Alcalde de Miño
 
2015 - 2019
Sucesor:
Manuel Vázquez Faraldo

Vida persoalEditar

Casou con Patricia Maggiora e foi pai de Santiago, Javier e Camila Sánchez Maggiora.

NotasEditar

Véxase taménEditar

Outros artigosEditar