Ricardo Pérez Medín

político galego

Ricardo Pérez Medín, nado en Miño o 7 de setembro de 1908 e finado en Panamá o 20 de xullo de 2009, foi un político galego.

Ricardo Pérez Medín
Nacemento7 de setembro de 1908
Lugar de nacementoMiño
Falecemento20 de xullo de 2009
Lugar de falecementoPanamá
NacionalidadeEspaña
Ocupaciónpolítico
editar datos en Wikidata ]

TraxectoriaEditar

Aos 15 anos comezou a traballar como albanel. En 1928 marchou facer o servizo militar e ao rematar estableceu o "Bar Miño" en Miño. Fundador da UGT de Miño en 1931, foi militante de Izquierda Republicana e en 1936 pasou ao PSOE. Co triunfo da Frente Popular en febreiro de 1936 foi nomeado concelleiro, e en maio foi elixido alcalde de Miño. Co golpe de Estado do 18 de xullo de 1936 permaneceu en arresto domiciliario e tivo que pagar diversas multas gobernativas. Conseguiu fuxir na lancha pesqueira "La Golondrina" xunto coa súa muller Francisca López del Río e outros nove compañeiros. De Miño chegaron a Bordeos, atravesaron Francia e incorporáronse ao exército republicano en Valencia e Cataluña. Coa caída de Cataluña pasou a Francia e foi internado no campo de concentración de Beziers. O 6 de abril de 1940 saíu de Bordeos rumbo á República Dominicana, desde onde se trasladou a Panamá en 1941, establecéndose alí definitivamente. Traballou como chofer e albanel. En 1962 foi nomeado Delegado Diplomático da República no exilio. Volveu para visitar Miño en 1968, e a partir desa data todos os anos.


Predecesor:
Rodrigo González Martínez
  
Alcalde de Miño
 
1936
Sucesor:
?


Véxase taménEditar

BibliografíaEditar

  • García López, Xoán Xosé; López González, Rosa María (2009). Memorias. Ricardo Pérez Medín. Santiago de Compostela: Fundación Luís Tilve. ISBN 978-84-95773-16-6. 

Ligazóns externasEditar