Ribas Pequenas, Bóveda
parroquia civil do concello de Bóveda
Para outras páxinas con títulos homónimos véxase: Ribas.
Santiago de Ribas Pequenas é unha parroquia de Bóveda na provincia de Lugo. Segundo o padrón municipal de 2008 tiña 127 habitantes (73 homes e 54 mulleres), distribuídos en 6 entidades de poboación: A Áspera, Chorente, A Eirexa, A Gándara, O Souto e A Veiga, o que supón unha pequena diminución en relación ao ano 1999 cando tiña 129 habitantes e ao ano 1991 cando tiña 144 habitantes.
| Ribas Pequenas | |
|---|---|
 Pasadoiro sobre o río Mao | |
| Concello | Bóveda[1] |
| Provincia | Lugo |
| Coordenadas | 42°35′59″N 7°28′20″O / 42.599807, -7.472321Coordenadas: 42°35′59″N 7°28′20″O / 42.599807, -7.472321 |
| Poboación | 107 hab. (2019) |
| Entidades de poboación | 6[1] |
| [ editar datos en Wikidata ] | |
Limita coas parroquias de Ver e Mosteiro ao norte, Piño ao leste, A Parte e Valverde ao sur, e Vilalpape ao oeste.
Patrimonio editar
.jpg)
.jpg)
- A igrexa parroquial, foi reconstruída no século XVII. Edificio de planta rectangular con muros de cachotería de lousa e cuberta, de madeira e lousa a dúas augas. No seu interior distribúense dúas naves, comunicadas por dous arcos de medio punto.
- Casa do Coronel. Situada no lugar de Souto; edificio con planta de U, ó redor dun patio pechado, con muros de cachotería en lousa e cuberta, a catro augas, en madeira e lousa. Na súa fachada hai un escudo, de aparencia recente, coas armas dos Somoza.
- O Refuxio da Coruxa, situado na Veiga, trátase dun edificio de planta en L, estruturado ó redor dun patio pechado.
- Muíño de Maseda, actualmente en funcionamento. Muíño movido pola corrente de auga procedente do río Mao.
Festividades editar
As festas da parroquia celébranse o 7 de setembro na honra da Virxe dos Remedios.
Lugares e parroquias editar
Lugares de Ribas Pequenas editar
| Lugares da parroquia de Ribas Pequenas no concello de Bóveda (provincia de Lugo) | |
|---|---|
|
A Áspera | Chorente | A Eirexa | A Gándara | O Souto | A Veiga |