Red Cliff

Red Cliff (en chinés: 赤壁, Chì Bì) é un filme épico chinés dirixido por John Woo que se estreou en dúas partes no 2008 e no 2009. Baséase na Batalla dos Cantís Vermellos (-208 e -209) e os eventos do fin da Dinastía Han e inmediatamente anterior ó período dos Tres Reinos na China antiga. Está protagonizado por Tony Leung, Takeshi Kaneshiro, Zhang Fengyi, Chang Chen, Hu Jun, Lin Chi-ling e Zhao Wei. Foi o primeiro gran filme de Woo dende Paycheck (2003) e foi o seguinte en lingua chinesa dende Hard Boiled (1992), que tamén protagonizou Leung.

Red Cliff
Ficha técnica
Título orixinal	Chì Bì 赤壁
Director	John Woo
Produtor	John Woo Terence Chang Han Sanping
Guión	John Woo Chan Khan Kuo Cheng Sheng Heyu
Intérpretes	Tony Leung Takeshi Kaneshiro Zhang Fengyi Chang Chen Lin Chi-ling Zhao Wei Hu Jun
Música	Tarō Iwashiro
Fotografía	Lü Yue Zhang Li
Montaxe	Angie Lam Yang Hongyu Robert A. Ferretti (Parte 1) David Wu (Parte 2)
Estudio	Beijing Film Studio China Film Group Lion Rock Productions
Distribuidora	Avex Group (Xapón) China Film Group (China) Showbox (Corea do Sur) 20th Century Fox (Taiwán) Mei Ah Entertainment (Hong Kong) Summit Entertainment (Internacional)
Estrea	2008 (Parte 1) 2009 (Parte 2)
Duración	280 minutos (total) 140 minutos (Parte 1) 140 minutos (Parte 2)
Orixe	China
Xénero	Wuxia
Orzamento	$80 000 000
Recadación	$248 308 170
Na rede
http://www.redclifffilm.com/

Na China e en Asia, Red Cliff foi estreado en dúas partes, que fan máis de 4 horas de duración (288 minutos). A primeira parte (146 minutos) estreouse en Pequín o 2 de xullo de 2008 e a segunda (142 minutos) foi estreada na China o 7 de xaneiro de 2009. Fóra de Asia, unha única versión de 148 minutos foi estreada no 2009. Porén, a versión en dúas partes lanzouse en DVD e Blu-ray no Reino Unido o 5 de outubro de 2009, e nos Estados Unidos e no Canadá o 23 de marzo de 2010.

Cun orzamento estimado en US$80 million, Red Cliff é o máis caro filme asiático da historia. A primeira parte recadou US$124 millóns en Asia e superou o récord anterior de Titanic na China.

Sinopse

Na China, cara ao final da Dinastía Han (208 d.C.) Cao Cao, o temíbel Primeiro Ministro (e gobernante de facto) convence ó Emperador Xian de Han de que declare a guerra ós reinos de Xu, ó oeste e ó leste, e o reino de Wu, ó sur. O seu obxectivo, segundo din, á a de unificar China polo ben do país, pero, en realidade, os seus motivos son bastante máis egoístas. Tras convencer ó Emperador, Cao Cao leva ó seu exército de case un millón de soldados á guerra. O seu primeiro obxectivo é o Reino de Xu, de recente creación, gobernado polo benevolente líder Liu Bei. Ó chegar ó Reino de Xu, as forzas de Cao Cao, superiores numéricamente, derrotan doadamente ó exército de Liu Bei. Os cidadáns de Xu foxen baixo a protección das tropas de Liu Bei e dos seus dous xenerais de maior rango (e irmáns de sangue): Guan Yu e Zhang Fei, que quedan atrás a risco das súas propias vidas para salvar ós campesiños que tentan escapar.

Personaxes

Personaxes principais

• Tony Leung como Zhou Yu
• Chang Chen como Sun Quan
• Shidō Nakamura como Gan Xing
• Takeshi Kaneshiro como Zhuge Liang
• Zhao Wei como Sun Shangxiang
• Lin Chi-ling como Xiao Qiao
• Zhang Fengyi como Cao Cao
• Hu Jun como Zhao Yun
• Tong Dawei como Sun Shucai
• Hou Yong como Lu Su
• You Yong como Liu Bei

Véxase tamén

Ligazóns externas

• Ficha na IMDb (en inglés)
• Ficha en Filmaffinity (en castelán)