Rebelo Gonçalves

Francisco da Luz Rebelo Gonçalves, nado en Santarém o 15 de novembro de 1907 e finado o 23 de abril de 1982, foi un profesor universitario portugués e investigador nos dominios da filoloxía e lexicografía da lingua portuguesa.

Rebelo Gonçalves

Biografía
Nacemento	15 de novembro de 1907 Santarém, Portugal
Morte	23 de abril de 1982 (74 anos)
Datos persoais
País de nacionalidade	Portugal
Actividade
Ocupación	profesor universitario , romanista
Empregador	Universidade de Coímbra Universidade de São Paulo Universidade de Lisboa
Lingua	Lingua portuguesa
Premios  Orde da Cruz do Sur

Portada do Vocabulário da Língua Portuguesa, Coímbra, 1966.

Traxectoria

Licenciado e doutor en Filoloxía Clásica, Rebelo Gonçalves foi profesor de Filoloxía Portuguesa e Filoloxía Clásica (Lingua e Literaturas Grega e Latina) da Universidade de São Paulo entre 1935 e 1938 integrando o grupo de profesores estranxeiros que foran convidados para traballar nela trala súa fundación.

Durante a súa estancia no Brasil integrou o grupo fundador da Casa de Portugal de São Paulo, da que foi o seu primeiro presidente.

En Portugal ensinou na Facultade de Letras da Universidade de Coímbra e na Facultade de Letras da Universidade de Lisboa.

Na Conferencia Ortográfica Luso-Brasileira, que deu orixe ao Acordo Ortográfico da Lingua Portuguesa de 1945, foi o relator por parte da delegación portuguesa.

Obras

A Fundación Calouste Gulbenkian editou a súa Obra Completa, en 3 volumes. Esta edición non incluíu dúas das súas obras de referencia:

• Tratado de Ortografia Portuguesa. Coímbra, Tipografia Atlântida, 1947.
• Vocabulário da Língua Portuguesa. Coímbra, Coimbra Editora, 1966.

Véxase tamén

Ligazóns externas

• Martins, J. Cândido Martins. António Soares Amora e os Estudos de Literatura Portuguesa no Brasil
• Peterlini, A. A. Língua e Literatura Latina
• Casa de Portugal de São Paulo
• Catálogo da Biblioteca Nacional de Portugal