Real ecuatoriano
- Para outras moedas coa denominación de "real", véxase a páxina de homónimos Real.
O real ecuatoriano foi a moeda de curso legal en Ecuador desde 1833 ata 1871, cando foi substituída polo peso ecuatoriano.
Historia editar
Ata 1822, a moeda habitual no territorio do actual Ecuador era o real colonial español, que foi substituído polo real colombiano, durante a época da Gran Colombia. O Ecuador independente presentou o seu propio real en 1833, cunha correspondencia de 1 a 1 con respecto ao anterior real colombiano.[2]
En 1856 fixouse unha taxa de cambio fixa co franco francés, de xeito que 8 reais equivalían a 5 francos (1 real = 62 céntimos e medio). A partir desta vinculación co franco, en 1858 emitiuse unha moeda de prata co valor de 5 francos ecuatorianos, equivalente aos 8 reais, na procura de establecer un sistema decimal, aínda que o seu uso efectivo non se estendeu máis alá de 1861.[3][4]
Desde 1862, os bancos comerciais comezaron a emitir o seu papel moeda tanto en pesos como en reais,[5] ata que que finalmente, en 1871, o real foi substituído polo peso ecuatoriano, cunha taxa de cambio de 8 reais = 1 peso.
Moedas editar
A serie de moedas do real ecuatoriano foi cuñada na Casa da Moeda de Quito, en prata con valores faciais de ¼, ½, 1, 2, 4 e 8 reais; e en ouro con valores de 1, 2, 4 e 8 escudos (1 escudo = 16 reais).[2][6]
En 1862 deixaron de cuñarse moedas expresadas en reais, aínda que se mantiveron na circulación ata 1871.[7]
![Moeda de 4 reais ecuatorianos de 1842.[8]](/wiki/Ficheiro:4_reales_1842.jpg)
![Moeda de 8 escudos (128 reais) de 1841.[9]](/wiki/Ficheiro:8_Escudos_Quito.jpg)
| Predecesor: Real español Real colombiano |
Real ecuatoriano 1822 - 1871 |
Sucesor: Peso ecuatoriano |
Notas editar
- ↑ "2 Reales, Ecuador". en.numista.com (en inglés). Consultado o 2023-08-23.
- ↑ 2,0 2,1 Reynolds, Greg (2021-02-11). "Rare & Inexpensive Early Silver Coins of Ecuador". CoinWeek: Rare Coin, Currency, and Bullion News for Collectors (en inglés). Consultado o 2023-08-23.
- ↑ "5 Francos, Ecuador". en.numista.com (en inglés). Consultado o 2023-08-23.
- ↑ "Cinco francos". Numismatico.bce.fin.ec
- ↑ "ECUADOR -COMMERCIAL BANKS". banknote.ws. Consultado o 2023-08-23.
- ↑ "Search the coin catalogue – Numista". en.numista.com. Consultado o 2023-08-23.
- ↑ "Coins from Ecuador – Numista". en.numista.com. Consultado o 2023-08-23.
- ↑ "4 Reales, Ecuador". en.numista.com (en inglés). Consultado o 2023-08-23.
- ↑ "8 Escudos, Ecuador". en.numista.com (en inglés). Consultado o 2023-08-23.
Véxase tamén editar
Bibliografía editar
- Hoyos, M. (1998). La Moneda Ecuatoriana a través de los tiempos. Ed. El Conejo. ISBN 9789978871812
- Krause, C. L.; Mishler, C. (1991). Standard Catalog of World Coins: 1801–1991 (18th ed. ed.). Krause Publications. ISBN 0873411501
- Pick, A. (1994). Standard Catalog of World Paper Money: General Issues. (7th ed.). Krause Publications. ISBN 0-87341-207-9
- Reyes, R. (2013). Numismática Ecuatoriana. Evolución y coleccionismo de nuestra moneda. Instituto Metropolitano de Patrimonio, Quito. ISBN 978-9978-366-67-7