Ramón Vigo Sambade

médico e político galego
(Redirección desde «Ramón Ramiro Vigo Sambade»)

Ramón Ramiro Vigo Sambade, nado en Cee o 27 de abril de 1964, é un médico e político galego.

Ramón Vigo Sambade
Nacemento27 de abril de 1964
Lugar de nacementoCee
NacionalidadeEspaña
Ocupaciónmédico e político
editar datos en Wikidata ]

Traxectoria editar

Médico de profesión, é especialista en Medicina do Traballo. Exerceu como inspector médico na Xunta e na Seguridade Social. Traballou como médico titular no departamento de Xeriatría da residencia viguesa do Meixoeiro.

Actividade política editar

Fundou en 1995 a agrupación Independentes por Cee (IxCee). Entre 1995 e 1999 formou parte do goberno local de Cee grazas a un pacto co PSdeG, que abandonou pouco antes das eleccións municipais. En 2001 asinou unha moción de censura co PPdeG que desbancou aos socialistas da alcaldía. Accedeu á alcaldía de Cee nas municipais de 2007 grazas a un pacto co PSdeG. É o presidente da asociación para o desenvolvemento comarcal Neria. O 31 de xaneiro de 2011 foi detido na Operación Orquestra, resultando imputado de supostos delitos de prevaricación, suborno, tráfico e malversación, e quedando en liberdade con cargos tras pagar a fianza decretada polo xuíz[1]. Nas municipais de 2011 volveu ser elixido alcalde como cabeza de lista da candidatura máis votada[2]. Cesou como alcalde o 1 de marzo de 2012 como consecuencia dunha moción de censura presentada polo PPdeG e o BNG[3].

No ano 2015, nas eleccións municipais, conseguiu recupera-la alcaldía do concello ao se-la lista máis votada[4]. Nas eleccións municipais de 2019 quedou como terceira forza política, polo que a alcaldía foi para Margarita Lamela Louzán do PSdeG[5]. O 31 de agosto de 2022 presentou a súa dimisión como concelleiro e anunciou o abandono da política.[6]


Predecesor:
Antonio Domínguez García
  
Alcalde de Cee
 
2007 - 2012
Sucesor:
Zaira Rodríguez Pérez
Predecesor:
Zaira Rodríguez Pérez
  
Alcalde de Cee
 
2015 - 2019
Sucesor:
Margarita Lamela Louzán

Notas editar

Véxase tamén editar

Outros artigos editar

Ligazóns externas editar